babychakra-rewards
Get a FREE BabyChakra Limited Edition bag worth Rs.399 with selected combo! COD Available.
Q:

கஞ்சி கூழ் எது கொடுத்தாலும் சாப்பிட மறுக்கிறாள் . தாய்ப்பால் மட்டுமே கொடுக்க வேண்டியுள்ளது. எப்படி சாப்பிட வைப்பது



இணை உணவு விளக்கப்படம் ஆறு மாதத்திற்குப் பிறகு தாய்ப்பால் மட்டுமே குழந்தையின் வளர்ச்சிக்குப் போதாது. குழந்தையின் குடல், உணவின் செரிமானத்திற்கு 6 மாததிற்கு பின் தயாராக உள்ளது. உங்கள் குழந்தை 6 வது மாதம் முடிந்தவுடன் திட உணவுகளை உட்கொள்ள தயாராகிவிட்டது என்று அர்த்தம். இந்த நாட்களில் நீங்கள் உங்கள் குழந்தைக்கு திட உணவை கொடுக்க ஆரம்பிக்கலாம். திட உணவை கொடுக்கும் போது அது அவர்களுக்கு கூடுதல் உணவாகத் தான் இருக்க வேண்டும். தாய்ப்பால் தான் குழந்தைக்கு பிரதான உணவு என்பதை மறந்து விடாதீர்கள். குழந்தைக்கு உணவு கொடுக்க பயன்படுத்தும் பாத்திரங்களை வெந்நீரில் கழுவிய பின் பயன்படுத்துவது நல்லது.
*முதல்லில் அரை திட உணவுகளை தொடங்க வேண்டும்.
*நாளொன்றுக்கு ஒரு டேபிள் ஸ்பூன் வீதம் முதன்முதலில் கொடுக்க தொடங்கவும்.
*உங்கள் குழந்தைக்கு ராகி அல்லது அரிசி கஞ்சி கொடுக்கவும்.
*ஆரம்பத்தில் தண்ணீரை போல்
கொடுக்கலாம், பின்னர் படிப்படியாக கனமாக்கவும்.
*பழச்சாறு, கேரட் வேகவைத்து மேஷ் செய்து கொடுக்கலாம். கேரட் ப்யூரி, ஆப்பிள் ப்யூரி கொடுக்கலாம்.
*பிறகு பருப்பு சாதம்,ரசம் சாதம் குழைவாக கொடுக்கலாம் .
*8 மாதத்திற்கு பின்னர் வீட்டில் சமைக்கப்படும் அணைத்து உணவினையும் சிறிதளவு கொடுக்க தொடங்கலாம்.
*குழந்தைக்கு உணவு கொடுக்கும் நேரத்தை உங்கள் வசதிக்கேற்ற படி அமைத்துக் கொள்ளுங்கள்.
*6 மாதம் முடிந்தவுடன் ஆரம்பத்தில் ஒரு சில தேக்கரண்டி கொடுக்க தொடங்குங்கள் . *ஒரு நேரத்தில் ஒரு அரை திட உணவு வகையை தொடங்க வேண்டும் .
*தாய்ப்பால் என்பது குழந்தையின் ஊட்டச்சத்துக்கு முக்கிய ஆதாரமாக இருப்பதால்,அதை நிறுத்தகூடாது.
*உப்பு மற்றும் சர்க்கரை பயன்படுத்துவதை ஒரு வயது ஆகும் வரை தவிர்க்கவும்.
*தண்ணீர் உணவிற்கு பின் சில சிப்புகள் கொடுக்கலாம். *தொடக்கத்தில் ஒரு நாளைக்கு ஒரு முறை உணவளியுங்கள். பின்னர் படிப்படியாக அதிகரிக்க தொடங்குங்கள்.
*வெவ்வேறு உணவுகளை முயற்சி செய்து, உங்கள் குழந்தைக்கு சிறந்தது என்ன என்பதைப் பார்க்கவும்.
*எவ்வித ஒவ்வாமையும் இல்லை என்றால் அந்த உணவை தொடர்ந்து கொடுக்கலாம் . *காலையில் தினந்தோறும் புதிய உணவுகளை அறிமுகப்படுத்துங்கள். உடல் எப்படி நடந்துகொள்கிறதென்று தெரிந்து கொள்ள அது பாதுகாப்பானது. 3 நாள் விதியை பின்பற்றுவது அவசியம்.
*உங்கள் குழந்தையின் ஊட்டச்சத்துக்கு மிகச் சிறந்த வடிவமாக இருப்பதால், தாய்பால் மிகவும் அவசியம் .
*ஒரு நேரத்தில் ஒரே ஒரு புதிய உணவை அறிமுகப்படுத்துங்கள். இதனால் எந்த உணவால் ஒவ்வாமை ஏற்பட்டது என்பதை நீங்கள் அறிவீர்கள்.
*9 மாதங்கள் வரை 50% திட உணவிலிருந்தும் மற்றும் மீதமுள்ள 50% தாய்பாலில் இருந்தும் ஊட்டச்சத்து கிடைக்க வேண்டும்.
*மாட்டுப்பாலில் உங்கள் குழந்தைகள் முதல் வருடத்தில் ஜீரணிக்க முடியாத புரதங்கள் உள்ளன. எனவே, ஒரு வருடம் முடியும் வரை மாட்டுப்பாலை தவிர்க்கவும்.
*12 மாதங்களில் குழந்தை 4-5 திட உணவை உட்கொள்ள வேண்டும்.

*1 வருடங்களுக்கும் குறைவான குழந்தைக்கு தேனை கொடுக்காதீர்கள். அது சில குழந்தைகளுக்கு botulism என்ற நோயை ஏற்படுத்தும்.

நன்றி