பீட்ரூட் அல்வா

குழந்தைகள் பொதுவாக சிறு வயதில் பற்பல உணவுகளை சாப்பிட விரும்புவார்கள். ஆனால் பெற்றோர்களாகிய உங்களுக்கு, அவையத்தனையும் தயார் செய்ய நேரம் கிடைப்பதில்லை. நான் சொல்வது உண்மைதானே? இனி கவலை வேண்டாம். இதோ உங்களுக்கான ஒரு இனிப்பு ரெசிபி – பீட்ரூட் அல்வா. இந்த இனிப்பை 30-45 நிமிடங்களுக்குள் தயாரித்து விடலாம்.

ஏன் பீட்ரூட்?

பீட்ரூட் அதிகம் சாப்பிட்டால், உடலில் இரத்த அளவு சரியாக இருக்கும். சோர்வில்லாமல் சுறுசுறுப்பாக வேலை செய்ய முடியும். முக்கியமாக இந்த பீட்ரூட் இரத்தசோகையைக் குணப்படுத்தும்.

தேவையானவை:

• ஒரு மீடியம் அளவு பீட்ரூட்
• ஒரு சிட்டிகை ஏலக்காய் பொடி
• ஒரு டீஸ்பூன் வெல்லப்பாகு அல்லது பனங்கல்கண்டு தூள்
• ஒரு டீஸ்பூன் நெய்

செய்முறை:

• சுத்தமான பீட்ரூட் ஒன்றை பயன்படுத்தும் முன் நன்றாக கழுவிக்கொள்ளவும்
• பீட்ரூட்டின் தோலைச் சீவி எடுத்துவிட்டு, பீட்ரூட்டை சிறு துண்டுகளாக நறுக்கிக்கொள்ளவும்.
• நறுக்கிய இந்த துண்டுகளை ஒரு பாத்திரத்தில் வைத்து, அதனை தண்ணீர் நிரப்பிய குக்கரில் வைத்து வேக விடவும்
• பிறகு, இந்த வேக வைத்த பீட்ரூட்டை நன்றாக மசித்துக் கொள்ளவும்
• அதற்குபின், ஒரு கடாயில் நெய்யூற்றி, இந்த மசித்து வைத்த பீட்ரூட்டைப் போட்டு நன்றாக வதக்கவும்
• இந்த கலவையில் பச்சை வாசனை போகும்வரை நன்றாக கிளறி விடவும்
• இவற்றுடன் ஒரு டீஸ்பூன் வெல்லப்பாகையோ அல்லது பனங்கல்கண்டு தூளையோ சேர்த்து கிளறவும்
• கடைசியாக ஒரு சிட்டிகை ஏலக்காய் பொடியையும் சேர்த்துக் கொள்ளுங்கள்
• நெய் பிரிந்து வருகின்ற வரையிலும் அல்வாவைக் கிளறிவிட்டு, அதற்கு பின் இறக்கி வைக்கவும்
• உங்களுக்கான பீட்ரூட் அல்வா ரெடி!

மறக்காமல் இந்த பீட்ரூட் அல்வாவை சாப்பிட்டு பார்த்து எப்படி இருக்கிறது என்று கமென்ட்  செய்யவும். இதன் ருசியை மேம்படுத்த உங்களிடம் ஏதேனும் டிப்ஸ் இருந்தாலும் மறக்காமல் ஷேர் செய்யவும்.

பேனர் படம்: hungryforever

#babychakratamil