கர்ப்பிணிகள் வலி நிவாரணி மருந்துகளை சாப்பிடுவது சரியா?

கர்ப்பம் தரிப்பது மகிழ்ச்சியைத் தந்தாலும் சில நேரங்களில் அசௌகரியத்தையும் தரும். அசௌகரியம் கூட கூட வலியும் ஏற்படும். சிலர் வலியை இயல்பாக தாங்கிக் கொள்வார்கள். சிலர், வலியை எள்ளளவும் தாங்க முடியாமல், வலி நிவாரணி மருந்துகளை சாப்பிடுவார்கள். கர்ப்பிணிகள் அப்படி ஏனோதானோ என்று மருந்துகளைச் சாப்பிடுவது சரியா?

ஓடிஸி வலி நிவாரணி மருந்துகளும் எளிதாக மருந்து கடைகளில் கிடைப்பதால், மக்கள் எந்த வித மருத்துவ ஆலோசனை இல்லாமல் வெளியே வாங்கி சாப்பிடுகின்றார்கள். இது மிகவும் தவறு. பற்பல மருந்துகளுக்கு நல்ல விளைவுகளும் தீய விளைவுகளும் அதிகமாகவே உள்ளன. ஆதலால் ஏதொரு மருந்தும் சாப்பிடுவதற்கு முன், மருத்துவரிடம் ஆலோசனை செய்வது நல்லது.

அதே போல, நீங்கள் ஏற்கனவே உட்கொள்கின்ற மருந்துகளைக் குறித்தும்  மருத்துவரிடம் மறக்காமல் தெரிவிக்க வேண்டும்.

மருத்துவரின் ஆலோசனை இல்லாமல் வலி நிவாரணி மருந்துகளை உட்கொள்வதால் என்ன தீங்கு விளையும்?

• மருத்துவரின் ஆலோசனை இல்லாமல் வலி நிவாரணி மருந்துகளை உட்கொள்வதால் கர்ப்பிணிக்கும், பிறக்க போகும் குழந்தைக்கும் அதிக கோளாறுகள் ஏற்படலாம்.
• கர்ப்பிணிகளுக்கு இரத்தப்போக்கு, வாந்தி, தலைச்சுற்றல், மற்றும் குமட்டல் அதிகமாக ஏற்பட வாய்ப்புண்டு. கருச்சிதைவு, குழந்தை இறந்து பிறத்தல் மற்றும் குழந்தை முன்கூட்டியே பிறத்தல் போன்ற கோளாறுகளும் ஏற்படும்.
• அதேபோல, பிறக்க போகும் குழந்தைக்கு எடை குறைவு, மூச்சுத்திணறல், மற்றும் அயர்வும் (அரைத்தூக்கம்) ஏற்படலாம். இதனால் குழந்தை சரியாக பாலருந்தாமல் போகவும் வாய்ப்புண்டு.

தவிர்க்க முடியாத நேரங்களில், மருத்துவரின் ஆலோசனையுடன் எந்த ஒடிஸி வலி நிவாரணி மருந்துகளைப் பரிந்துரைக்கலாம்?

• அசிடமினோஃபென்  – பொதுவாக எல்லா ட்ரைமெஸ்ட்டர்களிலும் கர்ப்பிணிகளால் பயன்படுத்தலாம். தலைவலி, காய்ச்சல், மற்றும் பொதுவான எல்லாவித வலிகளுக்கும் இதைப் பயன்படுத்தலாம்.
• ஆஸ்பிரின் – சாலிசிலிக் ஆசிட் ஆஸ்பிரினில் அதிகளவில் உள்ளதால், கர்ப்பிணிகள் இதைச் சாப்பிடவே கூடாது. ஆனாலும் கர்ப்பிணிக்கு ‘ப்ரேஎக்லாம்ப்ஸியா’ என்கிற கோளாறு இருந்தால், மருத்துவர் இந்த மாத்திரையை தவிர்க்க முடியாமல் பரிந்துரைப்பார். காரணம், கர்ப்பிணியின் உதிரமானது கட்டியாக போகாமல் ஆஸ்பிரின் தடுத்து நிறுத்தும்.
• பிரூஃபென் மற்றும் நாப்ரோக்சென் – இவ்விரு மாத்திரைகளும் கவனமாக பயன்படுத்த வேண்டும். முதல் இரு ட்ரைமெஸ்ட்டர்களில் பிரச்சனை இல்லை. ஆனால் கடைசி ட்ரைமெஸ்ட்டரில் இதைத் தவிர்ப்பது நல்லது. காரணம், பிரசவ நேரத்தில் இந்த மாத்திரைகள் இரத்தப்போக்கை அதிகரித்துவிடும்.

தவிர்க்க முடியாத நேரங்களில், மருத்துவரின் ஆலோசனையுடன் எந்த ப்ரிஸ்க்ரிப்ஷன் வலி நிவாரணி மருந்துகளைப் பரிந்துரைக்கலாம்?

• ஒபியோய்ட் மருந்துகள் ஒருவித போதை மருந்துகளின் பிரிவில் வரும்.  மருத்துவரின் முறையான ஆலோசனை இல்லாமல், இந்த மருந்தை சாப்பிடவே கூடாது. தாங்க முடியாத அதீத வலியை, அதாவது பல்வலி, ஒற்றைத்தலைவலி, அறுவை சிகிச்சையினால் ஏற்ப்பட்ட வலி, மற்றும் விபத்தினால் ஏற்பட்ட வலி. இவ்வைனைத்து வலிகளையும் இந்த மருந்து குணப்படுத்தும்.
• பொதுவாக மருத்துவர்கள் முடிந்தவரை, 2-3 நாட்களுக்கு மட்டுமே கர்ப்பிணிகளுக்குப் பரிந்துரைப்பார்கள்.

பொதுவாக பேபிசக்ராவின் ஆலோசனை ஒன்றே ஒன்று தான். கர்ப்பிணிகள் மருத்துவரின் ஆலோசனை இல்லாமல் எந்த மருந்தையும் சாப்பிட கூடாது.

#babychakratamil