ಸಣ್ಣ ಮಗುವಿಗೆ ಮಸಾಜ್ನ ಅಗತ್ಯವಿದೆಯಾ??

ಸಣ್ಣ ಮಕ್ಕಳ ದೇಹ ತುಂಬಾ ಸೂಕ್ಷ್ಮವಾಗಿರುವ ಕಾರಣದಿಂದ ತುಂಬಾ ಎಚ್ಚರಿಕೆಯಿಂದ ಅವುಗಳ ಆರೈಕೆ ಮಾಡಬೇಕಾಗುತ್ತದೆ. ಮಕ್ಕಳು ಒಂದು ವರ್ಷದ ತನಕ ಬೆಳವಣಿಗೆಯಲ್ಲಿ ಹಲವಾರು ಸಮಸ್ಯೆಗಳು ಎದುರಾಗುವುದು. ಸಣ್ಣ ಮಕ್ಕಳಿಗೆ ಎಣ್ಣೆ ಹಚ್ಚಿ ಸ್ವಲ್ಪ ಮಸಾಜ್ ಮಾಡಿ ಸ್ನಾನ ಮಾಡಿಸಲಾಗುತ್ತದೆ. ಹೆಚ್ಚಿನ ಕಡೆಗಳಲ್ಲಿ ಮಕ್ಕಳಿಗೆ ಎಣ್ಣೆ ಹಚ್ಚಿ ಮಸಾಜ್ ಮಾಡಿಸುವುದು ಸಾಮಾನ್ಯ ವಿಷಯವಾಗಿದೆ.

ಮಸಾಜ್ ಅಗತ್ಯವೇ?

ಇದರ ಅಗತ್ಯವೇನಿಲ್ಲ. ಆದರೆ ಇದು ಹೆತ್ತವರ ಆಯ್ಕೆಗೆ ಬಿಟ್ಟಿರುವ ವಿಚಾರ. ಮಸಾಜ್ ನಿಂದ ಮಗುವಿನೊಂದಿಗಿನ ಭಾಂದವ್ಯವು ಹೆಚ್ಚಾಗುವುದು.

ಇದರ ಲಾಭಗಳು ಏನು?

ಮಕ್ಕಳಿಗೆ ಮಸಾಜ್ ಮಾಡುವುದರಿಂದ ಎಲುಬುಗಳ ಬೆಳವಣಿಗೆ, ರಕ್ತ ಸಂಚಾರ ಉತ್ತಮವಾಗುವುದು ಮತ್ತು ಶಿಶುವಿನ ದೇಹಕ್ಕೆ ಸರಿಯಾದ ಆಕಾರ ನೀಡಲು ಸಾಧ್ಯವಾಗುವುದು ಎಂದು ಹೇಳಲಾಗುತ್ತದೆ. ಆದರೆ ಇದೆಲ್ಲವು ಇದುವರೆಗೆ ಸಾಬೀತಾಗಿಲ್ಲ. ಮಸಾಜ್ ಮಾಡಿದಾಗ ಇದು ಹೆತ್ತವರು ಮತ್ತು ಮಗುವಿನ ನಡುವಿನ ಭಾಂದವ್ಯ ಹೆಚ್ಚಿಸುವುದು

ಮಸಾಜ್ ಬೇರೆ ಏನು ಮಾಡುತ್ತದೆ?

ಮಗು ಆರಾಮವಾಗಿರಲು ಇದು ನೆರವಾಗುವುದು. ಮಗುವಿಗೆ ಒಳ್ಳೆಯ ನಿದ್ರೆ ಬರುವುದು. ದೊಡ್ಡವರಂತೆ ಮಕ್ಕಳು ಕೂಡ ಪ್ರೀತಿಯ ಸ್ಪರ್ಶ ಇಷ್ಟಪಡುತ್ತಾರೆ ಮತ್ತು ಒತ್ತಡ ನಿವಾರಿಸುವುದು. ಇತರ ಲಾಭಗಳು ವೈಜ್ಞಾನಿಕವಾಗಿ ಸಾಬೀತಾಗಿಲ್ಲ.

ಬೇರೆ ಯಾವುದೇ ಸಮಸ್ಯೆಯಿದೆಯಾ? ಮಗುವಿಗೆ ಮಸಾಜ್ ಮಾಡುವ ವ್ಯಕ್ತಿಯ ಕೈಗಳು ಸ್ವಚ್ಛವಾಗಿರದೆ ಇದ್ದರೆ ಅದರಿಂದ ಸೋಂಕು ಉಂಟಾಗುವ ಸಾಧ್ಯತೆಗಳು ಇವೆ. ಶಿಶುವಿನ ಮೃಧು ದೇಹ ಹಾಗೂ ಮೂಳೆಗಳು ಹೆಚ್ಚಿನ ಒತ್ತಡ ತೆಗೆದುಕೊಳ್ಳದು. ಇದರಿಂದ ಬೇರೆಯವರು ಮಗುವಿಗೆ ಮಸಾಜ್ ಮಾಡುವುದು ಅಷ್ಟು ಒಳ್ಳೆಯ ವಿಚಾರವಲ್ಲ.

ಎಣ್ಣೆ ಬಳಸುತ್ತೀರಾ?

ಮಕ್ಕಳಿಗಾಗಿ ತಯಾರಿಸಿರುವಂತಹ ಎಣ್ಣೆಯನ್ನು ಬಳಸಿಕೊಂಡು ನಿಮ್ಮ ಬೆರಳುಗಳನ್ನು ಸರಿಯಾಗಿ ಬಳಸಿ ಮಗುವಿಗೆ ಮಸಾಜ್ ಮಾಡಿ. ಹೀಗೆ ಮಾಡುವಾಗ ಮಗು ಯಾವ ರೀತಿಯ ಪ್ರತಿಕ್ರಿಯೆ ನೀಡುತ್ತಿದೆ ಎಂದು ನೋಡಿ. ಮಗು ಇದರಿಂದ ಖುಷಿ ಪಡುತ್ತಾ ಇದ್ದರೆ ಮುಂದುವರಿಯಿರಿ. ಮಗು ಅಳುತ್ತಿದ್ದರೆ ಮಸಾಜ್ ನಿಲ್ಲಿಸಿ.

#bengalurumom

#nesting

#kannadamom

#bbcreatorsmom #bbcreatorsclub

#oilmassage

#massagetobaby

#kannadapost