Ap YouTube pr helpingmumma search kr skti hai uspe baby ko kaise khilaye es pe vdo hai. Ap dekh skti hai.

Slowly try kari bottle se dene for one week give one time a day with some other person aur dheere dheere increase karo

Koi bhi packaged food like cerelac mat de. Isme sugar kafi high hota hai jo bachhe ke liye sahi nai hai. Agar aap Kara sakte hai to breastfeed karwate rahiye, Kam se Kam ek sal tak to kijiye hi, ho sake to usse bhi zyada. Bachhe Ko dheere dheere karke koi bhi new cheez introduce kare, zabardasti mat kijiye, vo shuruaat se hi doodh piti hai, achanak se khana bhi start nai karegi. Thoda time lagega... Patience rakhe aur try karte rahe. Slowly vo khane lagegi.

Bachhe Ko khilana thoda sa mushkil ho Sakta hai. Shuruaat mein fruit purees jaise mashed banana, mashed mango wagerah dijiye. Sweet cheezein vo khayega kyuki breast milk bhi naturally sweet hota hai. Par Dhyan rakhe, uske khane mein ek saal tak namak ya cheeni mat Dale. Usko sab cheezo ke natural taste pata chalne de. Fruit puree ke Baad aap steamed vegetables de sakte hai, soups de sakte hai. Fir dheere dheere mashed daal par aaiye. Usko thoda patla karke daal dijiye, fir mashed rice, aur khichdi, thoda ghee dal kar de. Uske alawa, doodh mein roti bhiga kar ekdum soft karke vo de. Dheere dheere jab usko aadat ho jaye to aap mash karna slowly stop kar sakte hai. Par aap mashed food hi dijiye, ekdum pureed nai thoda bahut texture samajhne layak consistency Rehna chahiye Varna bachha sirf swallow karega, chabayega nai. Snacks mein finger foods dijiye, jaise potato wedges, ya steamed gajar, fried paneer. Sabkuch bite sized hona chahiye aur finger foods Apne saamne khilaiye taki uske gale mein na atke. Vo dheere dheere khud khana chahe to use khane de.. cheezo ka texture samajh mein aane se vo khana chahega. Aur finger foods dene se usse chabane ki aadat hogi. Slowly aur variety add kijiye jaise oats, daliya, stuffed parathe , cheela, idli dosa wagerah. Aapko samajh mein aa jayega ki bachhe Ko kya khana pasand hai aur kya nai. Uske bad usi hisab se use khana de. Par Dhyan rakhe shuruaat mein ek ek karke hi new cheezein de, ek sath 2-3 new cheezein introduce na kare, taki agar usse kisi cheez ki allergy ho to aap samajh paye ki kya khane se dikkat hui hai. Ek saal ke pehle nuts wagerah ya animal milk mat dijiyega, aur khane ke saath on demand feed bhi karate rahiye.

Hi anon..<br> Agar aap Ghar me hi rahti hai to 2year tak breastfeeding karvaiye baby Ko one year tak baby ka first food mother milk hota hai ..<br> Baby Ko har 2hours me kuch na kuch dijiye jab aap kuch de Rahi hai usase 30minuts pahle tak apna milk mat pilaiye apka baby thoda bhut hi khata hai to aap chinta mat kariye ..vo dhere dhere khane lag jayega..