5 பொறுப்புகள் : ஒவ்வொரு குழந்தையும் கற்றுக்கொள்ள வேண்டியவை

5 பொறுப்புகள் : ஒவ்வொரு குழந்தையும் கற்றுக்கொள்ள வேண்டியவை

குழந்தைகளுக்கு பொறுப்பைக் கற்பிக்க சரியான வயது எது என்பதை பெற்றோர்கள் அடிக்கடி கேட்கிறார்கள். நான் விரைவாக செய்வது சிறந்தது என்று கூறுவேன். 18 மாத குழந்தைகள் சாதாரண கட்டளைகளை புரிந்துகொள்வதற்கும், அவற்றை இயக்குவதற்கும் போதுமான வயதானவர்கள். அவர்கள் சிறிய வேலைகளை செய்ய கவனக் காலமும் கொண்டிருக்கிறார்கள். அதாவது நீங்கள் அவர்களுக்கு வயதுக்கேற்ற பணிகளை ஒதுக்கலாம் இவை எளிதான மற்றும் சமாளிக்கக்கூடியவையாகும் மற்றும் அவை பொறுப்புள்ளதாகக் கற்பிக்கின்றன.

ஒவ்வொரு குழந்தையும் கற்றுக் கொள்ள வேண்டிய சில பொறுப்புகள் இங்கே:

தங்கள் சொந்த உடலின் பொறுப்பை எடுத்துக்கொள்வது:

முதலில் குழந்தைகள் தங்கள் உடல் மற்றும் அதன் தேவைகளை புரிந்து கொள்ள வேண்டும். அவள் மலம் கழிக்க வேண்டும் அல்லது டயபரில் சிறுநீர் கழித்துவிட்டதாக குறிப்பதே ஒரு குழந்தை கற்கும் முதல் சமூக பொறுப்பாகும். உங்கள் குழந்தை கழிவறைக்குச் செல்வதற்கு அவசரம் காட்டும் போதெல்லாம் உங்களுக்கு சமிக்ஞை செய்யக் கற்றுக் கொடுங்கள். மேலும், அவர் அந்த கழிவறை அல்லது விளையாட்டு மைதானத்திற்கு சென்ற பிறகு மற்றும் உணவு சாப்பிடும் முன் கைகளை சுத்தம் செய்வது கட்டாயமானது என தெரிந்து கொள்ள வேண்டும்.

சுத்தம் செய்தல்:

ஒரு குறுநடை போடும் குழந்தை பொம்மைகளை, விளையாட்டு பொருட்களை மற்றும் புத்தகங்களை எடுக்கலாம் மற்றும் அவற்றை அவற்றின் அலமாரிகளில் வைக்கலாம். என் மகள் ஒரு மாண்டிசோரி பள்ளியில் தனது மழலையர் பள்ளியைத் தொடங்கினாள் மற்றும் முதல் நாள் பள்ளியின் விதிகள் படி, அவள் விளையாடிய பொம்மைகளை மீண்டும் அலமாரியில் வைப்பதை பார்க்க வியப்பாகவும் இருந்தது. எனவே, உங்கள் குழந்தை அவள் செய்த குழப்பத்தை சுத்தம் செய்ய இயலாது என்று நீங்கள் நினைத்தால், மீண்டும் யோசிக்கவும்.

இதை ஒரு வேலயாக செய்வதற்குப் பதிலாக வேடிக்கையான செயல்பாட்டாகச் செய்யுங்கள். நான் என் மகளுடன் “சுத்தம் செய், சுத்தம் செய், அனைவரும் தாமாகவே சுத்தம் செய்வோம்” என்ற பாடல் படுவது நினைவில் உள்ளது. அவள் பாடலைப் பாடுவாள் மற்றும் தரையில் கிடக்கும் புத்தகங்கள், ஆடைகள் அல்லது பொம்மைகளை மகிழ்ச்சியுடன் எடுத்துக்கொள்வாள்.

சமூக பொறுப்புணர்வோடு இருப்பது:

அனைத்து மனிதர்களும் சிறு குழந்தைகள் உட்பட சமூக மனிதர்களாக இருக்கிறார்கள். எனவே, உங்கள் குழந்தைக்கு மற்றவர்களிடம் அன்பும் அக்கறையும் காட்ட கற்றுக்கொடுப்பது நல்லது. பூக்களை பறிக்க கூடாது, செடிகளை அழிக்கக் கூடாது, குப்பையை தெருவில் போடக் கூடாது மற்றும் செல்லப்பிராணிகளை அல்லது பிற குழந்தைகளை அடிக்கக் கூடாது என்று அவர்களுக்கு கற்றுக்கொடுங்கள். மேலும், மற்றவர்களை துன்புறுத்தினால் மன்னிப்பு கேட்கும்படி அவர்களிடம் கூறுங்கள். அவள் தற்செயலாக அவளது கரடி பொம்மையை அல்லது விருப்பமான பொம்மையை இடித்தால் மன்னிப்புக் கேட்கத் தொடங்கலாம்.

உண்மையாக இருப்பது: “ஜானி, ஜானி, எஸ் பாப்பா” குழந்தைகளுக்கு ஒரு வேடிக்கையான ரைம், ஆனால் எந்த பெற்றோரும் உண்மையில் அவர்களது குழந்தை அவர்களிடம் பொய் கூறுவதை விரும்ப மாட்டார்கள். உண்மையைப் பேச ஒரு சிறு குழந்தை கற்றுக்கொள்ள வேண்டும் அல்லது உண்மையைப் பேசுவதற்கு பயப்படக்கூடாது. அவர் தனது காலுறையில் சிறுநீர் கழித்திவிட்டார் அல்லது உங்களுக்கு பிடித்த சீனா பொம்மையை உடைத்துவிட்டார் என்றால் நீங்கள் அவரைத் திட்டவோ அல்லது அடிக்கவோ இல்லை என்பதை உறுதிப்படுத்திக் கொள்ளுங்கள். இது எல்லா நேரத்திலும் அவரை உண்மையாகவே இருக்க ஊக்குவிக்கும். மேலும், சில நேரங்களில் அது உங்களுக்கே உற்சாகமளிக்கும் போதும், அவரை நேர்மையின்பால் ஊக்குவிக்கவும் பாராட்டவும்.

வீட்டு வேலைகளில் உதவுதல்:

குழந்தைகள் பின்பற்றுவதில் இருந்துக் கற்றுக்கொள்வார்கள். உங்களுடைய சிறு குழந்தை நீங்கள் வேலை செய்வதைப் பார்த்தால், அவர் வந்து உங்களுக்கு உதவுவார். நீங்கள் அவரது ஆர்வத்தை சாதகமாக பயன்படுத்தி, சலவை இயந்திரத்தில் துணி போடுவது, செடிகளுக்கு தண்ணீர் ஊற்றுவது, பட்டாணி உறிப்பது அல்லது ஒரு துணியால் மேஜை துடைப்பது போன்ற சிறிய வேலைகளை கொடுக்கலாம். வெள்ளைத் துணிகளில் இருந்து வண்ண உடைகளை அவர் பிரிப்பதில்லை என்பதால் உங்களுக்கு அதிக வேலை ஏற்படக்கூடும், ஆனால் உங்களுக்கும் உங்களுடைய வீட்டிற்கும் அவர் பொறுப்பான பிள்ளையாக இருக்க அது கற்பிக்க முடியும் என்பதால் அது சிறந்தது.

பெற்றோர்கள் தங்கள் குழந்தைகளிடம் அன்பாக இருக்க வேண்டும். ஆனால், அவர்கள் குழந்தைகளுக்கு பொறுப்பை கற்பிக்க வேண்டும், அதனால் அவர்கள் தங்கள் சொந்த வாழ்விற்கும் உலகிற்கும் சாதகமான பங்களிப்பை செய்ய முடியும். ஒரு குழந்தை அவரது தாய்க்கு   சமையலறையில் உதவுவது அல்லது முன் பள்ளி குழந்தை தனது சொந்த அறையை தானே சுத்தம் செய்வதை நீங்கள் பார்த்தால் அது ஒரே இரவில் அல்லது தானகவே நடக்கவில்லை என்பதை உணர்ந்து கொள்ளுங்கள்.  அவர்களின் பெற்றோர்கள் தங்கள் குழந்தைகளுக்கு மிக இளம் வயது முதலே பொறுப்புணர்வை ஏற்படுத்தியிருக்க வேண்டும் அது அவர்களை இவ்வாறு வடிவமைத்திருக்கிறது.

பதாகை படத்தின் ஆதாரம்: thealternativedaily

#babychakratamil