மல்லிகை இட்லி/ஜாஸ்மின் இட்லி/குஷ்பு இட்லி - இப்போது வீட்டிலேயே!

cover-image
மல்லிகை இட்லி/ஜாஸ்மின் இட்லி/குஷ்பு இட்லி - இப்போது வீட்டிலேயே!

 

சாதாரண இட்லிக்கும் மல்லிகை/ஜாஸ்மின் இட்லிக்கும் என்ன வேறுபாடு?

 

சாதாரண இட்லியுடன் ஒப்பிட்டு பார்க்கும்போது, ஜாஸ்மின் இட்லி/குஷ்பு இட்லி மல்லிகைப்பூவைப் போலவே மிகவும் மென்மையாகவும், வெள்ளையாகவும், மிருதுவாகவும் இருக்கும்.

 

மல்லிகை இட்லி/குஷ்பு இட்லி மட்டும் எப்படி மிருதுவாக இருக்கிறது?

 

  • அரிசி, ஜவ்வரிசி மற்றும் அவல். இவை மூன்றும் இட்லி மாவு தயாரிக்கும்போது சேர்ப்பதால், இட்லி இப்படி மிருதுவாக இருக்கிறது.
  • ஹோட்டல்களில் ஒரு சிட்டிகை பேகிங் சோடாவும் பயன்படுத்துவதால், இட்லி ஸ்பான்ஜ் போல இருக்கிறது.
  • பேகிங் சோடா வேண்டுமென்றால் சேர்க்கலாம். இது இல்லாமலே, இட்லி மிகவும் மிருதுவாக இருக்கும்.

 

இட்லியின் பயன் என்ன?

 

  • ஜீரணத்திற்கு உகந்தது இட்லி. ஆதலால்தான் மருத்துவமனைகளில், நோயாளிகளுக்கும் குழந்தையை பிரசவித்த பெண்களுக்கும் டாக்டரே இட்லியை கொடுக்குமாறு பரிந்துரைக்கிறார்.
  • பின்பு இந்த இட்லியில் ஜவ்வரிசி மற்றும் அவல் இருப்பதால் எடையைக் கூட்டாமல் கட்டுக்குள் வைக்கும். கெட்ட கொழுப்பை உடலில் ஏற விடாது.
  • ஜாஸ்மின் இட்லி/குஷ்பு இட்லி ரெசிபி

 

தேவையானவை:

 

  • அரிசி – 4 கப்
  • உளுந்து - 1 ¼ கப்
  • ஜவ்வரிசி - ¾ கப்
  • வெள்ளை நிற அவல் - ½ கப்
  • வெந்தயம் – 1 டீஸ்பூன்
  • உப்பு – 2 டேபிள்ஸ்பூன்

 

செயல்முறை

 

  • அரிசி, உளுந்து, ஜவ்வரிசி, வெள்ளை நிற அவல், மற்றும் வெந்தயம் ஆகியவற்றை நன்றாக கழுவி தண்ணீரில் ஊற வைக்கவும்.
  • ஐந்து மணிநேரம் வரை நன்றாக ஊற வைக்கவும்.
  • ஐந்து மணிநேரத்திற்கு பிறகு, கிரைண்டரில் இட்டு அரைக்கவும்.
  • மிக்ஸியை விட கிரைண்டரில் அரைத்தால், இட்லி இன்னும் மென்மையாக இருக்கும்.
  • மாவு திட்டு திட்டாக இல்லாமல் நல்ல மென்மையாக இருக்க வேண்டும். அதுவரை, கிரைண்டரில் அரைக்கவும்.
  • மாவு ரெடியானவுடன் உப்பை சேர்க்கவும்.
  • பிறகு மாவை ஒரு பெரிய பாத்திரத்தில் எடுத்து வைக்கவும். இட்லி மாவு 8-12 மணிநேரம் வரை ஃபெர்மென்ட் ஆக விடவும். இந்நேரத்தில் மாவு இருபடி அதிகளவில் ஏறும். இட்லி மாவு ரெடி.
  • தேவையான நேரத்தில், இட்லி பாத்திரத்தை எடுத்து அதில் எண்ணெய்யை லேசாக ஊற்றி தடவியப்பின், இந்த இட்லி மாவை ஊற்றவும்
  • பிறகு இட்லி குக்கரில் 15 நிமிடங்கள் வேக வைக்கவும்.
  • ஜாஸ்மின் இட்லி/குஷ்பு இட்லி தயார்!!
  • மேலே குறிப்பிட்டுள்ள  மாவின் அளவுபடி 40 இட்லிகளைத் தயாரிக்கலாம்.

 

எப்படி பரிமாறுவது?

 

ஜாஸ்மின் / குஷ்பு இட்லியை சட்னி, சாம்பார் அல்லது இட்லி பொடியுடன் பரிமாறவும்

 

மறக்காமல் சமைத்து பார்த்து அதன் புகைப்படத்தை ஷேர் செய்யவும். உங்களுக்கு இந்த ரெசிபி பிடித்திருந்தால் மறக்காமல் உங்களின் அனுபவத்தையும் ஷேர் செய்யவும்.

 

#babychakratamil
logo

Select Language

down - arrow
Personalizing BabyChakra just for you!
This may take a moment!