பிரசவ நேரத்தில் உதவும் தௌலா – தேவையா?

பிரசவ நேரத்தில் உதவும் தௌலா – தேவையா?

16 May 2019 | 1 min Read

Dr. Mrinalini

Author | 86 Articles

 

தௌலா என்பவர் யார்?

 

  • ‘தௌலா’ என்ற கிரேக்க சொல்லுக்கு ‘உதவும் பெண்’ என்று பொருள். பிரசவ நேரத்தில், தௌலா என்பவர் கர்ப்பிணிகளுக்கு தகுந்த மனரீதியான ஆதரவும், உடல்ரீதியான ஆதரவும், சரியான தகவல்களையும் தருவார்கள்.
  • நமது பழங்காலங்களில் தௌலாக்களின் தக்க ஆதரவால் தான், கர்ப்பிணிகளால் தைரியமாக குழந்தை பெற முடிந்தது.

 

தௌலா என்ன செய்வார்?

 

  • நிம்மதியான நேர்மறையான பிரசவத்திற்கு தௌலா தகுந்த உதவி செய்வார். பிரசவத்திற்கு முன், கர்ப்பிணிகள் எந்த உணவுகளை உண்ண வேண்டும்; எப்படி பிரசவத்தை தைரியமாக எதிர்கொள்ள வேண்டும் என்று கூடவே இருந்து கர்ப்பிணிகளை உதவுவார்கள்.
  • சில நேரங்களில், நீங்கள் டாக்டருடனோ அல்லது நர்ஸ்களுடனோ நல்ல உறவில்  இல்லாத பட்சத்தில், இந்த தௌலாதான் மத்தியஸ்தராக பணியாற்றுவார்.
  • அதுமட்டுமல்லாமல், கீழ்க்கண்ட எல்லாவற்றையும் சொல்லித்தர தௌலா உதவி செய்வார்.

 

    • மூச்சு விடும் முறை
    • ஓய்வு முறை
    • பிரசவ முறை
    • மசாஜ் முறை
    • உணவு முறை
    • மருத்துவமனை சேர்த்தல்

 

தௌலா இருப்பதன் பயன்கள் என்ன?

 

  • தௌலாவின் தொடர் ஆதரவு இருக்குந்தோரும் சுகப்பிரசவத்தின் வாய்ப்பு அதிகம் என்று 2012ல் நடந்த ஒரு ஆராய்ச்சி தெரிவிக்கிறது.
  • பொதுவாக நல்லதொரு பிரசவ நினைவு ஏற்படும்
  • அதிகளவில் வெற்றிகரமான தாய்ப்பாலூட்டல் காணப்படும்
  • தன்னம்பிக்கை பிறக்கும்
  • பிரசவ நேரத்தில் ரத்த அழுத்தம் குறைவாக இருக்கும்
  • பிரசவ வலியும் குறைவாக இருக்கும்
  • கர்ப்பிணியை மற்றுமல்லாது அவரின் குடும்பத்திற்கும் தகுந்த ஆதரவாளராக இருப்பார்

 

தௌலா மற்றும் மருத்துவச்சிக்கும் வேறுபாடு என்ன?

 

  • மருத்துவச்சி என்பவள் தகுந்த பயிற்சி எடுக்கப்பட்டவள். நர்ஸ் போன்று இவர் செயல்படுவார். பிரசவம் முதல் தாய்ப்பாலூட்டுதல் வரை மருத்துவச்சி உங்களுக்கு பயிற்சி அளிப்பார்.
  • ஆனால் தௌலா அப்படியல்ல. நீங்கள் கர்ப்பிணியான நாள் முதற்கொண்டு தாய்ப்பாலூட்டுதல் வரை, உங்கள் கூடவே வருவாள். தௌலாக்களுக்கு பொதுவாக சொல்லத்தக்க வண்ணம் எந்த படிப்பும் இல்லை.
  • அனுபவம் தான் அவளின் படிப்பு.

 

தௌலாவும் தந்தையும் சேர்ந்து எப்படி பணியாற்றுவர்?

 

  • உங்களின் பிரசவ நேரத்தில், தௌலா உங்கள் கணவருடன் சேர்ந்து உங்களுக்கு தகுந்த ஆதரவைத் தருவார். எடுத்துக்காட்டாக, நீங்கள் கணவரின் தோள் சாயும்போது, தௌலா உங்களின் முதுகை மசாஜ் செய்வர்.
  • பொதுவாக வீட்டில் பெரியவர்கள் இல்லாத தருணத்தில், கணவர் தனியாக இருப்பார். பல நேரங்களிலும் தன் கர்ப்பிணியான மனைவிக்கு எப்படி ஆறுதல் தருவது என்று தெரியாது. அந்நேரங்களில், தௌலா உதவிக்கு வருவாள்.
  • பிரசவ நேரத்தில், மருத்துவமனையிலும் தௌலா உதவியாக இருப்பாள்.

 

ஒரே வரியில் சொல்ல வேண்டும் என்றால், உங்கள் கணவருக்கு உங்களை மட்டும்தான் தெரியும். ஆனால், தௌலாவுக்கு குழந்தை பிறப்பு என்னவென்று தெளிவாக தெரியும். இருவரும் சேர்ந்தால், கர்ப்பிணிகளுக்கு சவுகரியம்தான்.

 

பேனர் படம்: birthindia

#babychakratamil

A

gallery
send-btn

Related Topics for you

Suggestions offered by doctors on BabyChakra are of advisory nature i.e., for educational and informational purposes only. Content posted on, created for, or compiled by BabyChakra is not intended or designed to replace your doctor's independent judgment about any symptom, condition, or the appropriateness or risks of a procedure or treatment for a given person.