முட்டை கொத்து பரோட்டா - தமிழ்நாடு ஸ்பெஷல்!

கொத்து பரோட்டா தமிழ் நாட்டில் மட்டுமே கிடைக்கும் உணவாகும். ஆனால், இதன் உறைவிடம் என்பது கன்னியாகுமரி, நாகர்கோவில் மற்றும் விருதுநகரே ஆகும். தமிழகத்தில் மற்ற இடங்களைப் பார்க்க, இந்த ஊர்களில் ருசி சற்று அதிகம். அதே போல, பெயருக்கு ஏற்றவாறு இந்த ஊர்களில் நன்றாக பரோட்டாவை கொத்தி இருப்பார்கள்.
பொதுவாக இதனை மிஞ்சியுள்ள பரோட்டாவில் தயாரிப்பார்கள். பரோட்டாவை கொத்தி முட்டை அல்லது சிக்கன், வெங்காயம் மற்றும் மிளகாயை சேர்க்க வேண்டும்.
கன்னியாகுமரி ஸ்பெஷல் முட்டை கொத்து பரோட்டாவை எப்படி தயாரிப்பது என்பதை நாம் காண்போம்.

முட்டை கொத்து பரோட்டா ரெசிபி:

செயல்முறை

பரோட்டாவை நன்றாக கொத்தி வைக்கவும்
எண்ணெய்யை வாணலியில் சூடாக்கவும். பிறகு, கடுகு மற்றும் கறிவேப்பிலையை சேர்க்கவும்
வெங்காயம் மற்றும் பச்சை மிளகாயை லேசான பிரவுன் நிறமாகும் வரை வதக்கவும்
பிறகு தக்காளி சேர்த்து ஒரு நிமிடம் வரை வதக்கவும்.
பிறகு கரம் மசாலா, கொத்தமல்லி, கறிவேப்பிலை மற்றும் புதினாவை சேர்க்கவும்
இந்த கலவையுடன் கொத்திய பரோட்டாவையும் சேர்த்து நன்றாக கலக்கவும். 5 நிமிடங்கள் வரை சமைக்கவும்
முட்டையை சேர்த்து, அதன் பச்சை வாசனை போகும் வரை நன்றாக வதக்கவும்
கொத்தமல்லியால் அலங்கரிக்கவும். கொத்து பரோட்டா தயார்!!