ಗರ್ಭಾವಸ್ಥೆಯಲ್ಲಿ ಆರೋಗ್ಯಕರವಾದ ಆಹಾರವನ್ನು ಸೇವಿಸಲು ಒಂದು ಮಾರ್ಗಸೂಚಿ

ಆಹಾರ ಚಾರ್ಟ್ ನಿಜವಾಗಿಯೂ ಅಗತ್ಯವಿದೆಯೇ?

ಇಂದಿನ ವೇಗದ ಚಲಿಸುವ ಜಗತ್ತಿನಲ್ಲಿ ಆಹಾರ ಯೋಜನೆ ಅತ್ಯಗತ್ಯವಾಗಿದೆ. ಇದು ಆರೋಗ್ಯದ ಬಗ್ಗೆ ಜಾಗ್ರತೆವಹಿಸುವ ಒಂದು ಸಮಯವಾಗಿದೆ ಮತ್ತು ನಮ್ಮ ಆಹಾರ ಪದ್ಧತಿ ಮತ್ತು ಆರೋಗ್ಯವನ್ನು ತಪಾಸಣೆಗೆ ಇರಿಸಲು ಕೆಲವು ರೀತಿಯ ಡಯಟ್ ಚಾರ್ಟ್ ಅನ್ನು ಅನುಸರಿಸಬೇಕಾದ ಅಗತ್ಯವಿರುತ್ತದೆ. ನಿಮ್ಮ ಅವಶ್ಯಕತೆಗೆ ಅನುಗುಣವಾಗಿ ಪೌಷ್ಟಿಕಾಂಶದ ಅಥವಾ ವೈದ್ಯರ ಮಾರ್ಗದರ್ಶನದಲ್ಲಿ ದೈನಂದಿನ ಆಹಾರ ಚಾರ್ಟ್ ಅನ್ನು ಯೋಜಿಸಬಹುದು. ಆಹಾರ ಯೋಜನೆಯನ್ನು ನಿಮ್ಮ ಹತ್ತಿರ ಹೊಂದಿರುವ ಹೆಚ್ಚುವರಿ ಪ್ರಯೋಜನವಿದೆ: ಇದು ದಿನಸಿ ಶಾಪಿಂಗ್ ಅನ್ನು ಸುಲಭಗೊಳಿಸುತ್ತದೆ ಮತ್ತು ನಿಮ್ಮ ಮುಂದಿನ ಊಟವನ್ನು ಯೋಜಿಸುವುದರ ಬಗ್ಗೆ ಚಿಂತಿಸಬೇಕಾಗಿಲ್ಲ.

ಆಹಾರ ಪಟ್ಟಿಯಲ್ಲಿನ ವಿಧಗಳು:

ವ್ಯಕ್ತಿಯ ಅಗತ್ಯಗಳ ಆಧಾರದ ಅನುಗುಣವಾಗಿ ಡಯಟ್ ಯೋಜನೆಗಳು ಅವರ ಆರೋಗ್ಯ ಸ್ಥಿತಿಗೆ ಹೊಂದುವಂತಿರುತ್ತದೆ. ಅಗತ್ಯಗಳು ಅನುಗುಣವಾದ ಆಹಾರ ಪಟ್ಟಿಗಳ ಕೆಲವು ಉದಾಹರಣೆಗಳು ಕೆಳಕಂಡಂತಿವೆ: ಮಧುಮೇಹಕ್ಕೆ ಆಹಾರ ಚಾರ್ಟ್, ಜಿಮ್ ಉತ್ಸಾಹಿಗಾಗಿ ಆಹಾರ ಚಾರ್ಟ್, ಜಿಮ್ ನಂತರ ಆಹಾರ ಚಾರ್ಟ್, ಹೆರಿಗೆಯ ನಂತರ ಆಹಾರ ಚಾರ್ಟ್, ಹೃದಯ ರೋಗಿಗಳಿಗೆ ಆಹಾರ ಚಾರ್ಟ್, ತೂಕವನ್ನು ಪಡೆಯಲು ಆಹಾರ ಚಾರ್ಟ್, ಕೊಲೆಸ್ಟರಾಲ್ ನಿಯಂತ್ರಣಕ್ಕಾಗಿ ಆಹಾರ ಚಾರ್ಟ್. ಗರ್ಭಿಣಿ ತಾಯಂದಿರಿಗೆ ಉಪಯುಕ್ತವಾಗಿರುವ ಡಯಟ್ ಚಾರ್ಟ್ ಕೆಳಗಿದೆ:

ಗರ್ಭಾವಸ್ಥೆಯಲ್ಲಿ ಡಯಟ್ ಚಾರ್ಟ್: ಬೆಳೆಯುತ್ತಿರುವ ಮಗುವಿನ ಹೆಚ್ಚುವರಿ ಅಗತ್ಯತೆಗಳನ್ನು ಪೂರೈಸಲು ಪ್ರಮುಖ ಅಂಶವೆಂದರೆ ಗರ್ಭಿಣಿ ಮಹಿಳೆಯರಿಗೆ ಅತ್ಯುತ್ಕೃಷ್ಟವಾದ,ಪೌಷ್ಟಿಕಾಂಶದ, ಆಹಾರವನ್ನು ಹೊಂದಿರುವ ಪಥ್ಯ . ಗರ್ಭಾವಸ್ಥೆಯಲ್ಲಿ ಉಪಯುಕ್ತ ಆಹಾರ ಚಾರ್ಟ್ ಈ ಆಹಾರಗಳನ್ನು ಒಳಗೊಂಡಿರಬೇಕು:

ಹಾಲು ಮತ್ತು ಹಾಲಿನ ಉತ್ಪನ್ನಗಳು: ಗರ್ಭಿಣಿ ಮತ್ತು ಹಾಲುಣಿಸುವ ತಾಯಿಯ ದೈನಂದಿನ ಕ್ಯಾಲ್ಸಿಯಂ ಅವಶ್ಯಕತೆ ಸುಮಾರು 800-1000 ಮಿಗ್ರಾಂ. ಹೀಗಾಗಿ ಡೈರಿ ಉತ್ಪನ್ನಗಳು ಪ್ರಮುಖ ಪೌಷ್ಟಿಕಾಂಶದ ಪಾತ್ರವನ್ನು ನಿರ್ವಹಿಸುತ್ತವೆ; ಸಂಪೂರ್ಣ ಅಥವಾ ಕೆನೆ ತೆಗೆದ ಹಾಲು, ಮೊಸರು, ಮಜ್ಜಿಗೆ, ಚೀಸ್, ಕಾಟೇಜ್ ಚೀಸ್ (ಪನೀರ್) ಗಳನ್ನು ಆಹಾರದಲ್ಲಿ ಸೇರಿಸಬೇಕು ಏಕೆಂದರೆ ಅವು ಕೇವಲ ಕ್ಯಾಲ್ಸಿಯಂನ ಶ್ರೀಮಂತ ಮೂಲಗಳಷ್ಟೇ ಅಲ್ಲದೆ ಪ್ರೋಟೀನ್ಗಳು ಮತ್ತು ವಿಟಮಿನ್ ಬಿ 12 ಗಳು ಮೂಲ ಸಹ.

ಕಾಳುಗಳು, ಬೇಳೆಗಳು, ದವಸ, ಧಾನ್ಯಗಳು ಮತ್ತು ಬೀಜಗಳು: ಪ್ರೋಟೀನ್ಗಳು ನಿಮ್ಮ ದೇಹದ ಬಿಲ್ಡಿಂಗ್ ಬ್ಲಾಕ್ಸ್ ಮತ್ತು ದೈನಂದಿನ ಕೆಲಸ, ಕಾರ್ಯಗಳಿಗೆ ಅಗತ್ಯವಿರುತ್ತದೆ. ಗರ್ಭಾವಸ್ಥೆಯಲ್ಲಿ ಈ ಅವಶ್ಯಕತೆ ಹೆಚ್ಚಾಗುತ್ತದೆ. ಹೀಗೆ ನಿಮ್ಮ ದೈನಂದಿನ ಆಹಾರದಲ್ಲಿ ಕಾಳುಗಳು, ಬೇಳೆಗಳು, ದವಸ, ಧಾನ್ಯಗಳು ಮತ್ತು ಬೀಜಗಳು ನಿಮ್ಮ ದೇಹಕ್ಕೆ ಪ್ರೋಟೀನಿನ ಅವಶ್ಯಕತೆಯ ಪೂರೈಕೆಗೆ ಕಾರಣವಾಗುತ್ತವೆ.

ಹಣ್ಣುಗಳು ಮತ್ತು ತರಕಾರಿಗಳು: ನಿಮ್ಮ ಸಾಮಾನ್ಯ ಆಹಾರದಲ್ಲಿ ತಾಜಾ ಹಣ್ಣುಗಳು ಮತ್ತು ತರಕಾರಿಗಳನ್ನು ಸಾಕಷ್ಟು ಸೇರಿಸಿ, ನಿಮ್ಮ ದೇಹದ ಅಗತ್ಯವಾದ ಫೈಬರ್, ವಿಟಮಿನ್ಗಳು ಮತ್ತು ಖನಿಜಗಳನ್ನು ಪಡೆಯಲು ಇದು ಸಹಾಯ ಮಾಡುತ್ತದೆ. ಪ್ರತಿದಿನವೂ ಸುಮಾರು ಐದು ಬಾರಿ ಸೇವಿಸಲು ಪ್ರಯತ್ನಿಸಿ.

ಮೀನು ಮಾಂಸ ಮತ್ತು ಕೋಳಿ: ನಿಮ್ಮ ಆಹಾರದಲ್ಲಿ ಮಾಂಸ ಮತ್ತು ಮೀನು ಸೇರಿಸಿದರೆ ನಿಮ್ಮ ದೇಹಕ್ಕೆ ಅಗತ್ಯವಾದ ಪ್ರಮಾಣದ ಪ್ರೋಟೀನ್ಗಳನ್ನು ಒದಗಿಸುತ್ತದೆ. ಸಾಲ್ಮನ್ ಮತ್ತು ಕಾಡ್ಗಳಂತಹ ಮೀನುಗಳಲ್ಲಿ ಒಮೆಗಾ 3 ಕೊಬ್ಬಿನಾಮ್ಲಗಳು ಹೆಚ್ಚಿರುತ್ತವೆ, ಅವುಗಳು ನಿಮ್ಮ ಹೃದಯಸ್ನೇಹಿ ಮತ್ತು ಬೆಳೆಯುತ್ತಿರುವ ಮಗುವಿಗೆ ಸಮಾನವಾದ ಅಗತ್ಯವಿರುವವುಗಳಾಗಿವೆ. ಮೊಟ್ಟೆಗಳ ಹಳದಿ ಆರೋಗ್ಯಕರ ಕೊಬ್ಬುಗಳ ಉತ್ತಮ ಮೂಲವಾಗಿದೆ ಮತ್ತು ಬಿಳಿ ಭಾಗದಲ್ಲಿ ಜಾಸ್ತಿ ಪ್ರೋಟೀನ್ ಅಡಕವಾಗಿದೆ. ಗರ್ಭಾವಸ್ಥೆಯಲ್ಲಿ ನೀವು ಪ್ರತಿ ದಿನ 2 ಮೊಟ್ಟೆಗಳನ್ನು ಸೇವಿಸಬಹುದು.

ದ್ರವ ಪದಾರ್ಥಗಳು: ಗರ್ಭಾವಸ್ಥೆಯಲ್ಲಿ, ಎಲ್ಲಾ ಸಮಯದಲ್ಲೂ ನೀವು ಹೈಡ್ರೇಟೆಡ್ ಆಗಿ ಇರಲು ಹೆಚ್ಚುವರಿ ದ್ರವಗಳು ಬೇಕಾಗುತ್ತದೆ. ನೀರು, ಜ್ಯೂಸ್, ಮಜ್ಜಿಗೆ, ಎಳನೀರು, ಪಾನೀಯಗಳಾದ ಚಹಾ, ಕಾಫಿ ಮತ್ತು ಅಡುಗೆಗೆ ಬಳಸುವ ನೀರಿನ ಮೂಲಕ ದಿನಕ್ಕೆ 3 ಲೀಟರ್ ದ್ರವವನ್ನು ಸೇವಿಸಿ.

ಕೊಬ್ಬುಗಳು: ಕೊಬ್ಬುಗಳು ಬೆಳೆಯುತ್ತಿರುವ ಮಗುವಿಗೆ ಬೆಂಬಲ ನೀಡಲು ಮತ್ತು ದೇಹವನ್ನು ಹೆರಿಗೆಗಾಗಿ ಸಿದ್ಧಮಾಡಲು ಅಗತ್ಯವಾದ ಶಕ್ತಿಯನ್ನು ಒದಗಿಸುತ್ತವೆ. ಅಪರ್ಯಾಪ್ತ ಕೊಬ್ಬುಗಳನ್ನು ಹೊಂದಿರುವ ತರಕಾರಿ ಎಣ್ಣೆಯು ಕೊಬ್ಬಿನ ಉತ್ತಮ ಮೂಲವಾಗಿದೆ. ಬೆಣ್ಣೆ ಮತ್ತು ತುಪ್ಪ ಸ್ಯಾಚುರೇಟೆಡ್ ಕೊಬ್ಬುಗಳನ್ನು ಹೆಚ್ಚು ಹೊಂದಿದೆ, ಇವುಗಳ ಸೇವನೆಯನ್ನು ಸ್ವಲ್ಪ ಪ್ರಮಾಣಕ್ಕೆ ಮಾತ್ರ ಮಿತಿಗೊಳಿಸಿ.

ಹಕ್ಕುತ್ಯಾಗ: ಲೇಖನದಲ್ಲಿನ ಮಾಹಿತಿಯು ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗಾಗಿ ಪರ್ಯಾಯವಾಗಿ ಉದ್ದೇಶಿಸಿಲ್ಲ ಅಥವಾ ಸೂಚಿಸಲ್ಪಟ್ಟಿಲ್ಲ. ನಿಮ್ಮ ವೈದ್ಯರ ಸಲಹೆಯನ್ನು ಯಾವಾಗಲೂ ಪಡೆಯಿರಿ.

#babychakrakannada

Pregnancy