ಗರ್ಭಾವಸ್ಥೆಯಲ್ಲಿ ಅವಶ್ಯಕವಾಗಿ ಸೇವಿಸಬೇಕಾದ ಆಹಾರಗಳ ಸಂಪೂರ್ಣ ಪಟ್ಟಿ

ಗರ್ಭಿಣಿಯು ಪೌಷ್ಟಿಕಾಂಶವಿರುವ ಆಹಾರವನ್ನು ಸೇವಿಸುವುದರಿಂದ, ಆರೋಗ್ಯಕರವಾದ ಮಗುವನ್ನು ಪಡೆಯಬಹುದು. ತಾಯಿಯಾಗುವವರಿಗಾಗಿ , ಇಲ್ಲಿ ಸೇವಿಸಲೇ ಬೇಕಾದ ೧೦ ಮುಖ್ಯ ಆಹಾರಗಳ ಪಟ್ಟಿಯನ್ನು ನೀಡಲಾಗಿದೆ:

೧. ಕಾಳುಗಳು:

ಸಂಸ್ಕರಿಸದ ಕಾಳುಗಳಲ್ಲಿ ನಾರಿನಂಶ, ಪ್ರೋಟೀನ್ ಹಾಗು ವಿಟಮಿನ್ ಬಿ ಇರುತ್ತವೆ. ಇವುಗಳು ಮಗುವಿನ ಪ್ರತಿಯೊಂದು ಭಾಗದ ಬೆಳವಣಿಗೆಗೆ ಬಹಳ ಮುಖ್ಯ. ಕಾಳುಗಳನ್ನು , ಸರಿಯಾದ ಪ್ರಮಾಣದಲ್ಲಿ ತಿಂದರೆ , ಅವು ದೇಹದ ತೂಕವನ್ನು ಹೆಚ್ಚಿಸುವುದಿಲ್ಲ. ಗೋಧಿ, ಓಟ್ಸ್, ಜೋಳ, ರಾಗಿ, ಇವೆಲ್ಲವೂ ಉತ್ತಮ ಆಯ್ಕೆಗಳು.

೨. ತರಕಾರಿಗಳು:

ನಿಮಗೆ  ಸಾಧ್ಯವಾದಷ್ಟು ಬಣ್ಣಗಳ ತರಕಾರಿಗಳನ್ನು ತಿನ್ನಿ ಗರ್ಭಧಾರಣೆಯನ್ನು ಉಳಿಸಿಕೊಳ್ಳಲು ಇವು ಪ್ರಮುಖ ಪೋಷಕಾಂಶಗಳನ್ನು ಒದಗಿಸುತ್ತವೆ. ನೀವು ಹಸಿದಿರುವಾಗ ತರಕಾರಿಗಳನ್ನು ಹೊಟ್ಟೆತುಂಬಾ ಮತ್ತು  ಸ್ನಾಕ್ಸ್ ತರಹ ಕೂಡ ತಿನ್ನಿ.

೩.ಹಣ್ಣುಗಳು:

ತಾಜಾ ಹಾಗು ಸಕಾಲಿಕ ಹಣ್ಣುಗಳನ್ನೇ ತಿನ್ನಿ. ಹಣ್ಣನ್ನು ಹಣ್ಣಿನ ರೂಪದಲ್ಲೇ ತಿನ್ನಿ. ಅದರ ರಸವನ್ನು ತೆಗೆಯಬೇಡಿ. ಇದರಿಂದ ಅದರಲ್ಲಿರುವ ನಾರಿನಂಶ ಕಡಿಮೆಯಾಗುತ್ತದೆ. ಹಣ್ಣುಗಳು ಸಿಹಿ ತಿನ್ನುವ ಬಯಕೆಯನ್ನು ಪೂರೈಸಲು ಸಹ ಸಹಾಯ ಮಾಡುತ್ತದೆ.

೪.ಮೊಟ್ಟೆ:

ಮೊಟ್ಟೆಗಳು ಸಂಪೂರ್ಣ ಪ್ರೋಟೀನ್ ಮತ್ತು ನಿಮ್ಮ ದಿನವನ್ನು ಪ್ರಾರಂಭಿಸಲು ಉತ್ತಮ ಮಾರ್ಗವೆಂದು ಪರಿಗಣಿಸಲಾಗುತ್ತದೆ. ನಿಮ್ಮ ದೈನಂದಿನ ಉಪಾಹಾರದಲ್ಲಿ ಮೊಟ್ಟೆಗಳನ್ನು (ಮುಖ್ಯವಾಗಿ ಬಿಳಿ ಭಾಗವನ್ನು) ಸೇರಿಸಿ.

೫.ಬೇಳೆಗಳು:

ಬೇಳೆಗಳು ಸಸ್ಯಾಹಾರಿಗಳಿಗೆ ಪ್ರೋಟೀನ್ಗಳ ಸಮೃದ್ಧ ಮೂಲವಾಗಿದೆ ಮತ್ತು ಕಬ್ಬಿಣವನ್ನು ಸಹ ಒದಗಿಸುತ್ತದೆ. ಪ್ರೋಟೀನ್‌ಗಳನ್ನು ಜೀವನದ ಬಿಲ್ಡಿಂಗ್ ಬ್ಲಾಕ್‌ ಎಂದು ಪರಿಗಣಿಸಲಾಗುತ್ತದೆ ಮತ್ತು ನಿಮ್ಮ ಮಗುವಿನ ಕೋಶ ರಚನೆಗೆ ಇದು ಅವಶ್ಯಕವಾಗಿದೆ

೬. ನಟ್ಸ್:

ಪ್ರತಿದಿನ ಒಂದು ಮುಷ್ಟಿಯಷ್ಟು ನಟ್ಸ್ಗಳನ್ನು ತಿನ್ನಿ. ಅದರಲ್ಲಿ ಪ್ರೋಟೀನ್ಸ್ ಹಾಗು ಮುಖ್ಯವಾದ  ಪೌಷ್ಟಿಕಾಂಶಗಳಿರುತ್ತವೆ. ಅದನ್ನು ಸುಲಭವಾಗಿ ನಿಮ್ಮ ಬ್ಯಾಗ್ನಲ್ಲಿ ಇಟ್ಟುಕೊಳ್ಳಬಹುದು ಹಾಗು ಸ್ನ್ಯಾಕ್  ತರಹ ತಿನ್ನಬಹುದು.

೭.ಬೀಜಗಳು :

ಪ್ರತಿದಿನ ಬೇರೆ ಬೇರೆ  ರೀತಿಯ ಬೀಜಗಳನ್ನು ಸೇವಿಸಿ ಹಾಗು ಪ್ರತಿದಿನ ಪ್ಲಾಕ್ಸ್  ಸೀಡ್ಸ್ಗಳನ್ನು ಸೇವಿಸಿ. ಪ್ಲಾಕ್ಸ್ ಸೀಡ್ಸ್ ನಲ್ಲಿ ಒಮೇಗಾ ೩ ಫ್ಯಾಟಿ ಆಸಿಡ್ಸ್ ಇರುತ್ತದೆ. ಇದು ಮಗುವಿನ  ಮೆದುಳಿನ ಬೆಳವಣಿಗೆಗೆ ಬಹಳ ಮುಖ್ಯ.

೮. ಹಾಲು :

ಹಾಲು ಮತ್ತು ಹಾಲಿನ ಉತ್ಪನ್ನಗಳು ಪ್ರೋಟೀನ್ ಮತ್ತು ಕ್ಯಾಲ್ಸಿಯಂ ಅನ್ನು ಒದಗಿಸುತ್ತವೆ. ನಿಮ್ಮ ಮಗುವಿನ ಮೂಳೆಗಳು, ಹಲ್ಲುಗಳು ಮತ್ತು ಸ್ನಾಯುಗಳ ಆರೋಗ್ಯಕರ ಬೆಳವಣಿಗೆಗೆ ಅವು ಸಹಾಯ ಮಾಡುತ್ತವೆ. ಗರ್ಭಿಣಿ ಅಮ್ಮಂದಿರಿಗೆ ಪೂರ್ಣ ಕೆನೆ ವಿಧದ ಹಾಲಿನ ಅಗತ್ಯವಿಲ್ಲ. ಕೆನೆರಹಿತ ಅಥವಾ ಟೋನ್ಡ್ ಹಾಲನ್ನು ಆರಿಸಿ, ಏಕೆಂದರೆ ಇದು ತೂಕ ಹೆಚ್ಚುಮಾಡದೆ ಎಲ್ಲಾ ಪೋಷಕಾಂಶಗಳನ್ನು ಒದಗಿಸುತ್ತದೆ

೯. ಜಿಡ್ಡು ಪದಾರ್ಥಗಳು :

ಕೊಬ್ಬು ಕರಗಬಲ್ಲ ಜೀವಸತ್ವಗಳನ್ನು ಹೀರಿಕೊಳ್ಳಲು ಮತ್ತು ದೇಹದ ಕೀಲುಗಳನ್ನು ನಯಗೊಳಿಸಲು  ಕೊಬ್ಬುಗಳು ಅವಶ್ಯಕ. ನಮ್ಮ ದೇಹಕ್ಕೆ ಇದು ಬಹಳ ಕಡಿಮೆ ಪ್ರಮಾಣದಲ್ಲಿ ಅಗತ್ಯವಿದೆ. ಅವಶ್ಯಕತೆಗಳನ್ನು ಪೂರೈಸಲು ಪ್ರತಿದಿನ 2-3 ಚಮಚ ಅಪರ್ಯಾಪ್ತ ಕೊಬ್ಬುಗಳಾದ ಆಲಿವ್ ಎಣ್ಣೆ, ಅಗಸೆ ಬೀಜದ ಎಣ್ಣೆ ಮತ್ತು ರೈಸ್ ಬ್ರಾನ್ ಎಣ್ಣೆ ಸಾಕು.

೧೦.ನೀರು :

ಎಲ್ಲಾ ಇತರ ಪೋಷಕಾಂಶಗಳನ್ನು ಹೀರಿಕೊಳ್ಳಲು  ಸಹಾಯ ಮಾಡುವ ಕಾರಣ ಇದು ಬಹುಮುಖ್ಯವಾಗಿದೆ.  ಸಾಕಷ್ಟು ನೀರಿನ ಸೇವನೆಯು ನಿರ್ಜಲೀಕರಣವನ್ನು ತಡೆಯುತ್ತದೆ, ಇದು ಗರ್ಭಿಣಿ ತಾಯಿಯಲ್ಲಿ ಪೂರ್ವ-ಅವಧಿಯ ಸಂಕೋಚನದ ಪ್ರಮುಖ ಕಾರಣಗಳಲ್ಲಿ ಒಂದಾಗಿದೆ. ಪ್ರತಿದಿನ 8-10 ಗ್ಲಾಸ್ ನೀರು ಸೇವಿಸಿ.

#babychakrakannada