ಸ್ತನ್ಯಪಾನ ಮಾಡುವುದನ್ನು ಬಿಡಿಸುವ ಆಹಾರಗಳ ಬಗ್ಗೆ ಒಂದು ಪ್ರಾರಂಭಿಕ ಮಾರ್ಗಸೂಚಿ

ನಿಮ್ಮ ಮಗುವು ಅರ್ಧ ವರ್ಷ ವಯಸ್ಸಿನ ಎಳೆಯನಾಗಿದ್ದರೆ, ಹಾಲನ್ನು ಬಿಡಿಸುವ ಹಂತಕ್ಕೆ ನೀವು ಸಿದ್ಧಗೊಳ್ಳಬೇಕಾದ ಸಮಯ! ಈ ಮೊದಲಿನ ಕೆಲವು ಅಭಿರುಚಿಗಳು ಅವನೊಂದಿಗೆ / ಅವಳೊಂದಿಗೆ ಮುಂದುವರೆಯುವ ಕಾರಣ ಇದು ಮುಖ್ಯವಾಗಿದೆ.

ನಿಮ್ಮ ಮಗುವಿನ ಅಭಿರುಚಿಯು ಆಮ್ನಿಯೋಟಿಕ್  ದ್ರವದ ಮೂಲಕ ಗರ್ಭಾಶಯದಲ್ಲಿಯೇ ಪ್ರಾರಂಭವಾಗುತ್ತದೆ ಮತ್ತು ನಿಮ್ಮ ಹಾಲಿನ ಮೂಲಕ ಹೊರಗೆ ಮುಂದುವರಿಯುತ್ತದೆ. ಗರ್ಭಾವಸ್ಥೆಯಲ್ಲಿ ಮತ್ತು ಹಾಲುಣಿಸುವ ಸಮಯದಲ್ಲಿ ನೀವು ತಿನ್ನುತ್ತಿದ್ದ ಆಹಾರದ ಮೂಲಕ ನಿಮ್ಮ ಮಗು ವಿವಿಧವಾದ ಆಹಾರಗಳಿಗೆ ತೆರೆದುಕೊಳ್ಳುತದೆ. ಹೆಚ್ಚಿನ ಮಕ್ಕಳು 4 ರಿಂದ 7 ತಿಂಗಳಲ್ಲಿ ತಮ್ಮ ಹಲ್ಲುಗಳನ್ನು ಪಡೆಯುತ್ತಾರೆ ಮತ್ತು ಸರಿಸುಮಾರು ಇದೇ ಸಮಯದಲ್ಲಿ , ಅವರು ಕುಳಿತುಕೊಳ್ಳಲು ಪ್ರಾರಂಭಿಸುತ್ತಾರೆ. ನಿಮ್ಮ ಊಟದ  ಸಮಯದಲ್ಲಿ ಮಗು ನಿಮ್ಮ ಸುತ್ತಲೂ ಇರಲಿ, ಅವಳು ನೀವು ತಿನ್ನುವುದನ್ನು ನೋಡಿದಾಗ ಅವಳು ತನ್ನ ಬಾಯಿಯನ್ನು ತೆರೆಯಬಹುದು ಮತ್ತು ಜೊಲ್ಲು ಸುರಿಸಬಹುದು, ಇದು ಅವಳಿಗೆ ಘನ ಆಹಾರಗಳನ್ನು ಪರಿಚಯಿಸುವ ಸಮಯ ಎಂಬ ಸಂಕೇತವಾಗಿದೆ. ನಿಮ್ಮ ಮಗುವಿನಿಂದ ಬಿಡುಗಡೆಯಾದ ಲಾಲಾರಸವು ಘನ ಆಹಾರಗಳನ್ನು ಜೀರ್ಣಿಸಿಕೊಳ್ಳಲು ಅಗತ್ಯವಾದ ಜೀರ್ಣಕಾರಿ ಕಿಣ್ವಗಳನ್ನು ಹೊಂದಿರುತ್ತದೆ. ನಿಮ್ಮ ಮಗುವಿಗೆ ಎದೆಹಾಲನ್ನು ಬಿಡಿಸುವ ಮೊದಲು ನೀವು ಕನಿಷ್ಟ ಆರು ತಿಂಗಳು ತನಕ ಕಾಯಬೇಕು. ಮಗುವಿನ ಜೀರ್ಣಾಂಗವು ಕ್ರಮೇಣವಾಗಿ ಬೆಳೆದಂತೆ ಅದು ಘನವಸ್ತುಗಳನ್ನು ಜೀರ್ಣಿಸಿಕೊಳ್ಳಲು ಸಿದ್ಧಗೊಳ್ಳುತ್ತದೆ. ಹಾಗಾಗಿ ನೀವು 4 ತಿಂಗಳುಗಳಿಗಿಂತಲೂ ಮುಂಚೆ ಘನವಸ್ತುಗಳನ್ನು ಪರಿಚಯಿಸಿದರೆ ಅದು ಅಲರ್ಜಿಗಳಿಗೆ ಕಾರಣವಾಗಬಹುದು.

ಹಣ್ಣುಗಳು ಜೀರ್ಣಿಸಿಕೊಳ್ಳಲು ಸುಲಭವಾಗಿದೆ, ಆದ್ದರಿಂದ ಹಿಸುಕಿದ ಬಾಳೆಹಣ್ಣುಗಳೊಂದಿಗೆ ಪ್ರಾರಂಭಿಸಲು ಒಳ್ಳೆಯದು. ಪೊಟ್ಯಾಸಿಯಮ್ ಸಮೃದ್ಧ ಬಾಳೆಹಣ್ಣುಗಳು ಸ್ತನ್ಯಪಾನ ಸಮಾನವಾಗಿರುತ್ತದೆ.

ಸ್ವಲ್ಪ ಸ್ತನ ಹಾಲನ್ನು ಕರೆದು ಹಿಸುಕಿದ ಬಾಳೆಹಣ್ಣುಗಳೊಂದಿಗೆ ಮಿಶ್ರಣ ಮಾಡಿ ಮಗುವಿಗೆ ಕೊಡುವುದರಿಂದ ಮಗುವಿಗೆ ಸಮೃದ್ಧ ತೃಪ್ತಿ ನೀಡುವ ತಿಂಡಿಯಾಗಿ ಮಾಡಬಹುದು. ನಿಮ್ಮ ಮಗು ಕೆಲವು ಆಹಾರಗಳಿಗೆ ಅಲರ್ಜಿತವಾಗಿದೆಯೇ ಎಂದು ಕಂಡುಹಿಡಿಯಲು ಇದು ಅತ್ಯುತ್ತಮ ಸಮಯವಾಗಿದೆ, ಆದ್ದರಿಂದ ಒಂದು ಬಾರಿಗೆ ಒಂದು ಆಹಾರವನ್ನು ಪರಿಚಯಿಸಲು ಮತ್ತು ಮುಂದಿನ ಆಹಾರವನ್ನು ನೀಡುವ ಮುನ್ನ 2 ರಿಂದ 3 ದಿನಗಳವರೆಗೆ ಕಾಯುವುದು ಒಳ್ಳೆಯದು.

ಪಪ್ಪಾಯಿ, ಚಿಕೂ, ಸೇಬು, ಪೇರಳೆ ಮೊದಲಾದವುಗಳಂತಹ ಮೂಲಭೂತ ಹಣ್ಣುಗಳನ್ನು ಪ್ರಯತ್ನಿಸಿ ಮತ್ತು ನಂತರ ನೀವು ಎರಡು ಹಣ್ಣುಗಳನ್ನು ಬೆರೆಸಿ ಮಗುವಿಗೆ ಕೊಡುವುದನ್ನು ಪ್ರಾರಂಭಿಸಬಹುದು. ನಿಧಾನವಾಗಿ, ಸೋರೆಕಾಯಿ, ಕ್ಯಾರೆಟ್, ಸಿಹಿ ಆಲೂಗಡ್ಡೆ, ಬೀಟ್ರೂಟ್, ಕುಂಬಳಕಾಯಿ, ಬಟಾಣಿಗಳು, ಹೀಗೆ ಒಂದು ಬಾರಿಗೆ ಒಂದು ತರಕಾರಿಯಂತೆ ಎಲ್ಲಾ ತರಕಾರಿಗಳನ್ನು ಪರಿಚಯಿಸಿ, ಅವುಗಳನ್ನು ಬೇಯಿಸಿ ಮತ್ತು ಹಿಸುಕಿ ನಿಮ್ಮ ಮಗುವಿಗೆ ನೀಡಬಹುದು. ಒಂದು ತರಕಾರಿಯು ಮಗುವಿಗೆ ಒಗ್ಗಿದರೆ, ನಂತರ ಎರಡು ವಿವಿಧ ತರಕಾರಿಗಳನ್ನು ಬೆರೆಸಿ ಕೊಡಬಹುದು.

ಬೇಯಿಸುವುದರಿಂದ ಪೋಷಕಾಂಶಗಳನ್ನು ರಕ್ಷಿಸಲು ಸಹಾಯ ಮಾಡುತ್ತದೆ, ಆದರೆ ಪ್ರೆಷರ್ ಕುಕ್ಕರ್ ಅಲ್ಲಿ ತರಕಾರಿಯನ್ನು ಕುದಿಸುವಿಕೆಯಿಂದ ಹೆಚ್ಚಿನ ಪೋಷಕಾಂಶಗಳನ್ನು ನಾಶಮಾಡುತ್ತದೆ. ಬೇಯಿಸುವುದಕ್ಕಾಗಿ ಮತ್ತು ಪುಯೆರಿ ಮಾಡುವಿಕೆಗೆ ಮಾರುಕಟ್ಟೆಯಲ್ಲಿ ಹಲವಾರು ಉಪಕರಣಗಳು ಲಭ್ಯವಿದೆ , ನೀವು ಪ್ರಯತ್ನಿಸಬಹುದು. ಸ್ಥಳೀಯ, ಕಾಲೋಚಿತ ಮತ್ತು ಸಾವಯವ ಹಣ್ಣುಗಳು ಮತ್ತು ತರಕಾರಿಗಳಿಗೆ ಮೊರೆ ಹೋಗಿ. ಈ ಹಣ್ಣುಗಳು ಮತ್ತು ತರಕಾರಿಗಳನ್ನು ಕ್ರಮೇಣ ಬೆರಳಿನ ಆಹಾರವಾಗಿ ನೀಡಲಾಗುವುದು, ಕಚ್ಚುವ ಗಾತ್ರದ ತುಂಡುಗಳಲ್ಲಿ ಕತ್ತರಿಸಿ, ಅವುಗಳು ಪಿನ್ಸರ್ ಗ್ರಹಿಕೆಯನ್ನು ಅಭಿವೃದ್ಧಿಪಡಿಸಲು ಸಹಾಯ ಮಾಡುತ್ತದೆ.

ಕಂದು ಅಕ್ಕಿ, ಧಾನ್ಯಗಳು, ಗೋಧಿ ಮುಂತಾದ ಧಾನ್ಯಗಳನ್ನು 6 – 8 ತಿಂಗಳ ಮಧ್ಯೆ ಹಣ್ಣುಗಳನ್ನು ಪರಿಚಯಿಸಿದ ನಂತರ ಗೋಧಿ ಪರಿಚಯಿಸಬಹುದು. ತರಕಾರಿಗಳೊಂದಿಗೆ ಅವುಗಳನ್ನು ಪರಿಚಯಿಸಬಹುದು ಆದರೆ ನಿಮ್ಮ ಮಗು ತರಕಾರಿಗಳಿಗೆ ಉತ್ತಮವಾಗಿ ಪ್ರತಿಕ್ರಿಯಿಸಿದ ನಂತರ ಅವುಗಳನ್ನು ನೀಡಲಾಗುತ್ತದೆ.

ತಾಜಾ ಸಸ್ಯಗಳೊಂದಿಗೆ ಮಸಾಲೆಯುಕ್ತವಾದ ವಿವಿಧ ಟೆಕಶ್ಚರ್ಗಳಲ್ಲಿ ವಿವಿಧ ಆಹಾರಗಳನ್ನು ಪರಿಚಯಿಸುವುದು ಮಗುವಿಗೆ ಆಹಾರದಲ್ಲಿ ಆಸಕ್ತಿಯನ್ನು ಜೀವಂತವಾಗಿಸುತ್ತದೆ ಮತ್ತು ಅವನು ರುಚಿ ಅನ್ವೇಷಿಸಲು ಮತ್ತು ಅವರ ಪ್ಯಾಲೆಟ್ ಅನ್ನು  ಅಭಿವೃದ್ಧಿಪಡಿಸುತ್ತದೆ. ನಾವು ದಿನವೂ ಒಂದೇ ಆಹಾರವನ್ನು ತಿನ್ನಲು ಇಷ್ಟಪಡುತೇವೆಯೇ? ಹಾಗಾದರೆ ಪಾಪ ಮಗು ಮಾತ್ರ ಅದೇ ಖಿಚಿಡಿಯನ್ನು ಏಕೆ ತಿನ್ನಬೇಕು?

ಒಮ್ಮೆ ಅವನು ಘನವಸ್ತುಗಳನ್ನು ತಿನ್ನುವದನ್ನು ಪ್ರಾರಂಭಿಸಿದಾಗ,  ಮಗುವನ್ನು ನಿಮ್ಮ ಊಟದ ಸಮಯದಲ್ಲಿ ಸೇರಿಸಿಕೊಳ್ಳಿ. ನೀವು ತಿನ್ನುವಾಗ ನೀವು ಮಗುವನ್ನು ನಿಮ್ಮ ತೊಡೆಯ ಮೇಲೆ ಅಥವಾ ನಿಮ್ಮ ಹತ್ತಿರ ಕೂರಿಸಿಕೊಳ್ಳಬಹುದು. ಅವನನ್ನು / ಅವಳನ್ನು ನಿಮ್ಮ ತಟ್ಟೆಯಿಂದ ಇಷ್ಟಪಡುವ ಆಹಾರವನ್ನು ತೆಗೆದುಕೊಂಡು ತನ್ನ ಬಾಯಿಯಲ್ಲಿ ಇರಿಸಿಕೊಳಲು ಬಿಡಿ . ಇದು ಗೊಂದಲಮಯವಾಗಿರಬಹುದು ಆದರೆ ನಿಮ್ಮ ಮಗುವನ್ನು ಕುಟುಂಬದ ಆಹಾರಕ್ಕೆ ಪರಿಚಯಿಸುತ್ತದೆ ಮತ್ತು ಮಗುವಿನ ಆಹಾರದಿಂದ ವಯಸ್ಕರ ಆಹಾರಕ್ಕೆ ನಿಧಾನವಾಗಿ ಪರಿವರ್ತನೆಯಾಗುತ್ತದೆ.

#babychakrakannada