பிள்ளைகளின் எடை அதிகரிப்பு: ஆரோக்கியமான உணவு பரிந்துரைகள்

பெரும்பாலான பெற்றோர்களின் மிக பெரும் கவலை “என் பிள்ளை ஒல்லியாக இருக்கிறான்/றாள்! எவ்வாறு எடையை அதிகரிப்பது?” இது பெரும்பாலும் மற்றவர்களின் பிள்ளைகளுடன் ஒப்பிடுதலின் வெளிப்பாடே! சில குழந்தைகள் தேவையான ஊட்டச்சத்தை எடுத்துக்கொண்டாலும்  தாய்/தந்தை வழி மரபணு காரணமாக மெலிவாக இருப்பார்கள். வேறு சில குழந்தைகள் அதிக உடல் சக்தியை (ஓட்டம், குதித்தல், தாவுதல், கிரிக்கெட், பந்து விளையாட்டு) வெளிப்படுத்தி விளையாடுவதால் உடல் எடை கூடுவதில்லை. பிள்ளைகள் அடிக்கடி நோய்வாய்ப்படாமல் சுறுசுறுப்பாக இருந்தால் ஊட்டச்சத்தைப் பற்றி கவலை கொள்ள தேவை இல்லை. பெரும்பாலும் தாய்மனம் இக்கருத்தை ஏற்றுக்கொள்வதில்லை. இதோ அவர்களுக்காக சில உணவு பரிந்துரைகள்.

 

குழந்தையின் உடல் எடையை அதிகரிக்க புரோட்டீன்   நிறைந்த உணவுகளை குழந்தைகளுக்கு கொடுக்கையில் தசைகள் வளர்ச்சி பெற்று, உடல் எடை அதிகரிக்கும்.

 

  • வெண்ணெய் (Butter): வெண்ணெயில் நல்ல கொழுப்புக்கள் உள்ளது. வெண்ணெய் நிறைந்த உணவுப் பொருட்களை தினமும் கொடுத்து வாருங்கள். இதனால் தானாக உடல் எடை அதிகரிக்கும். பிரட்டில் வெண்ணை/ஜாம் தடவி கொடுக்கலாம்.
  • வேர்க்கடலை வெண்ணெய் (groundnut butter): புரோட்டீன் மற்றம் நல்ல கொழுப்புக்கள் அதிகம் நிறைந்துள்ளதால், இதனை குழந்தைகளுக்கு பிரட்டில் தடவிக் கொடுத்தால், ஆரோக்கியமான முறையில் அவர்களின் எடை அதிகரிக்கும்.
  • பால்/சீஸ்/பன்னீர்/தயிர்: பால் பொருட்களான பால் மற்றும் க்ரீம்களில் கலோரிகள் ஏராளமான அளவில் நிறைந்துள்ளது. ஆகவே தினமும் உங்கள் குழந்தைக்கு தவறாமல் 2 டம்ளர் பால் கொடுங்கள். தோசை செய்யும் போது அதன் மீது சீவிய சீஸ் சேர்த்து கொடுக்கலாம். பூரி-கிழங்கு மசாலாவில் சிறிது பன்னீர் துண்டுகளை சேர்த்து கொடுக்கலாம்.
  • முட்டை: முட்டையில் புரோட்டீன் வளமாக உள்ளது. இதனை தினமும் வளரும் குழந்தைகளுக்கு கொடுத்து வந்தால், அவர்களின் வளர்ச்சி அதிகரிப்பதோடு, உடல் எடையும் அதிகரிக்கும். மேலும் முட்டையில் வைட்டமின் ஏ, வைட்டமின் பி12 போன்றவை அதிகம் உள்ளது.
  • வாழைப்பழம்: வாழைப்பழத்தில் உடலின் ஆற்றலை உடனடியாக அதிகரிக்கும் உட்பொருட்கள் மற்றும் கலோரிகள் உள்ளது. மேலும் இதில் அத்தியாவசிய கார்போஹைட்ரேட்டுகளும் நிறைந்துள்ளதால், இது உடலில் நல்ல கொழுப்புக்களின் அளவை அதிகரித்து, உடல் எடை அதிகரிக்க வழிவகுக்கும். செவ்வாழை, எலக்கி, ரஸ்தாலி, கற்பூரவாழை, நேந்திரம்பழம் உள்ளிட்ட அனைத்து வகைகளையும் கொடுக்கலாம்.
  • சிக்கன்: சிக்கனில் புரோட்டீன் நல்ல அளவில் உள்ளது. மேலும் இது தசைகளின் வளர்ச்சிக்கும் உதவும். ஆகவே உயரத்திற்கு ஏற்ற உடல் எடை இல்லாத குழந்தைகளுக்கு, சிக்கனை அடிக்கடி கொடுத்து வாருங்கள்.
  • பாஸ்தா: பாஸ்தாவை ஆலிவ் ஆயிலில் சமைத்து குழந்தைகளுக்கு கொடுத்தால், அது சுவையாக இருப்பதோடு, குழந்தைகளின் எடையையும் அதிகரிக்கும்.
  • உலர் பழவகைகள்: முந்திரி, பாதம், பிஸ்தா, உலர் திராட்சை போன்றவைகளையும் கொடுக்கலாம். அளவில் கவனம் தேவை. கெட்ட கொழுப்பாக மாறவும் வாய்ப்பு இருக்கிறது.     

 

பிள்ளைகள் உணவைத் தவிர்ப்பதில்லை:

 

  • மூன்று பெரிய உணவை சாப்பிட வைக்க முயற்சிப்பதற்கு பதிலாக, ஒரு நாளைக்கு நான்கு (அ) ஐந்து சிறிய உணவை சாப்பிடுவதைக் கருத்தில் கொள்ளுங்கள், ஏனென்றால் உங்கள் பிள்ளை எப்படியும்   அனைத்தையும் சாப்பிட மாட்டார். 
  • உங்கள் பிள்ளை மிகவும் பசியுடன் இருக்கும்போது சாப்பிட ஊக்குவிக்கவும், ஒரு நாளைக்கு ஒரு குறிப்பிட்ட நேரத்தில் பசி இல்லாவிட்டால், உணவை முற்றிலுமாக தவிர்ப்பதற்கு பதிலாக, குறைந்தபட்சம் ஏதாவது சாப்பிடவும் ஊக்குவிக்கவும்.
  • ஒவ்வொரு நாளும் ஒன்று (அ) இரண்டு வழக்கமான ஆரோக்கியமான தின்பண்டங்களை ஊக்குவித்தல்.

 

தவிர்க்க வேண்டிய உணவுகள்:

 

  • சாக்லேட், சிப்ஸ்கள் மற்றும் குளிர்பானங்கள் போன்ற வெற்று கலோரிகளைக் கொண்ட  நொறுக்கு  தீனிகளை தவிர்ப்பது நல்லது.  
  • டயட் சோடா மற்றும் பழ பானங்கள் போன்ற குறைந்த ஆற்றல் (அ) ஆற்றல் இல்லாத பானங்களைத் தவிர்ப்பது நல்லது.

 

மேலே குறிப்பிடப்பட்ட உணவுகளை உங்கள் பிள்ளைகளுக்கு முழு உணவாகவோ (அ) அவர்களுக்கு பிடித்த உணவுகளுடன் கலந்தோ கொடுக்கலாம். சில பிள்ளைகள் புதுப்புது வகையான உணவை சுவைக்க விரும்புவார்கள். சுவையை மாற்றி மாற்றி கொடுப்பதன் மூலமாகவும் உண்ணும் பழக்கத்தை ஊக்குவிக்கலாம். 


மறுப்பு: வலைத் தளம் மற்றும் பயன்பாட்டில் இடுகையிடும் உள்ளடக்கத்தை துல்லியமாகவும், முழுமையானதாகவும், புதுப்பித்ததாகவும் வைத்திருக்க பேபிசக்ரா பாடுபடுகையில், பேபிசக்ரா எந்தவொரு உள்ளடக்கத்தின் துல்லியத்தன்மையையும், முழுமையையும், நேரத்தையும் பேபிசக்ராவோ, மற்றும் அதன் வழங்குநர்களோ அல்லது வலைத்தளமோ அல்லது பயன்பாட்டின் பயனர்களோ வழங்க முடியும் என்பதற்கு உத்தரவாதம் அளிக்க முடியாது, பேபி சக்ரா அதற்கு பொறுப்பல்ல. இந்த உள்ளடக்கத்தின் எந்தவொரு பங்குகளோ, வரவுகளோ அல்லது விநியோகமோ பேபிசக்ரா மற்றும் அதன் ஆசிரியர் / உரிமையாளருக்கு உரிய வரவுகளுடன் செய்யப்பட வேண்டும்.

 

#babychakratamil

#babychakratamil

#babychakratamil

Toddler

Read More
தமிழ்

Leave a Comment

Recommended Articles