பிள்ளைகள் உடை உடுத்திக் கொள்ள எப்படி பழக வேண்டும்?

எப்போது என் பிள்ளைகள் தானாக உடை உடுத்திக்கொள்ள பழகுவார்கள்?

இந்த பதிவில், ‘உடை உடுத்திக்கொள்ளும் பழக்கம் எதற்காக உதவும்? தானாக உடை உடுத்திக்கொள்ள நாம் எப்படி அவர்களை ஊக்குவிப்பது? எவற்றை நாம் கவனிக்க வேண்டும்?’ போன்றவற்றை நாம் பார்க்கவிருக்கிறோம்.

இது உண்மையாகவே மெதுவாக கற்றுக்கொள்ளக்கூடிய ஒரு விஷயம் தான். எனினும், நம்முடைய பிள்ளைகள் 1 வயதாகும்போது (பன்னிரெண்டு மாதங்கள்) உடை உடுத்திக்கொள்வது குறித்த ஆர்வத்தை கொள்கின்றனர். அவர்களுக்கு இதற்காக நீண்ட காலத்திற்கு நம்முடைய உதவியானது தேவைப்படலாம். இப்போது அவர்கள், கையில்லாத உடை அணிய கைகளை தூக்க செய்வார்கள். அதேபோல, ஷூக்களை மாட்டிவிடும்போது கால்களையும் மெல்ல தூக்குவார்கள்.

உடை உடுத்திக்கொள்ளும் பழக்கம் எதற்காக உதவும்?

அவர்கள் வளர வளர உடை உடுத்திக்கொள்ளும் பழக்கத்தை நன்றாகவே கற்றுக்கொள்கின்றனர். அவர்கள் தானாக உடை உடுத்திக்கொள்ளும்போது கைகள் மற்றும் கால்கள் வலுப்பெற தொடங்கும். உடைகளை உடுத்திக்கொள்ள விரல்களை எப்படி பயன்படுத்த வேண்டுமென்பதையும் அவர்கள் கற்றுக்கொள்கின்றனர்.

பதினெட்டு மாதங்களில், நம்முடைய பிள்ளைகள் ஷூ, ஷாக்ஸ், தொப்பி போன்றவற்றை கழட்ட கற்றுக்கொள்கின்றனர். அதாவது, அவற்றை பிடித்திழுத்து கழட்டி எறிய பழகுவார்கள். ஆனால், அதனை மீண்டும் உடுத்த அவர்களுக்கு சிரமமாக இருக்கும்.

இரண்டு வயதிலும், மூன்று வயதிலும் நம்முடைய பிள்ளைகள் ஆடையிலுள்ள ஷிப்பை எப்படி இழுப்பது என்பதையும், தொப்பியை எப்படி பிடித்திழுப்பது என்பதையும் கற்றுக்கொண்டிருப்பார்கள். நான்கு வயது வரைக்கும் தானாக உடை உடுத்திக்கொள்ள அவர்களுக்கு சிரமமாக தான் இருக்கும்.

தானாக உடை உடுத்திக்கொள்ள நாம் எப்படி அவர்களை ஊக்குவிப்பது?

• ஆண் பிள்ளைகளை காட்டிலும் பெண் பிள்ளைகள் உடை உடுத்திக்கொள்வதில் ஆர்வத்தை அதிகமாக கொண்டுள்ளனர். அதனால் சீக்கிரமும் கற்றுக்கொள்கின்றனர்.

• அவர்கள் அணிந்திருக்கும் உடையை இரவில் கழட்டிவிட்டு, இரவிற்கு ஏற்ற ஆடையை அணிவித்து விட்டு உடை அணியும் பழக்கத்தை நம் பிள்ளைகளுக்கு உண்டாக்கலாம்.

• காலை வேளையில் இந்த பயிற்சியை தருவதை காட்டிலும், மாலை வேளையில் நாம் நம்முடைய பிள்ளைகளுக்கு தர தொடங்கலாம்.

• அவர்களுக்கு பழக்கும் போது, ஒரே மாதிரியான யுக்தியை கையாளவும். உதாரணமாக, உடையை அவர்கள் கழட்ட அல்லது மாட்ட, தலை வழியாகவோ அல்லது இடுப்பு வழியாகவோ பழக்கலாம். ஆனால், ஒருதடவை தலை வழியாகவும், இன்னொரு தடவை இடுப்பு வழியாகவும் பழக்கினால், நம்முடைய பிள்ளைகளுக்கு அது குழப்பத்தை ஏற்படுத்தும்.

• அதேபோல, தலை நோக்கி முதலில் இழுக்கவும், அதன்பிறகே கைகளில் இருந்து ஆடையை வெளியே இழுக்கவும் நாம் அவர்களுக்கு பழக்கப்படுத்தவும்.

• அவர்கள் ஷாக்ஸ், ஷூ, சர்ட் போன்றவற்றை கழட்ட முயலும்போது ஊக்குவிக்கவும்.

• எல்லாவற்றையும் அவர்கள் விரைவாக கற்றுக்கொள்ள வேண்டுமென நாம் எதிர்பார்க்கவே கூடாது.

• அவர்கள் முதலில் உடுத்திக்கொள்ள வேண்டிய ஆடைகளை முன்புறம் வைக்கவும். உதாரணமாக, அவர்கள் சர்ட்டை உடுத்திக்கொண்ட பிறகே பேண்ட்டை உடுத்திக்கொள்ள வேண்டுமெனில், சர்ட்டை முதலில் வைத்து அதனை பின்தொடர்ந்தே பேண்டை வைக்கவும்.

• கடினமாக உடுத்தி கழட்டும் ஆடைகளை இப்போது நாம் தேர்வு செய்யக்கூடாது.

• முதலில் உடை உடுத்தி பழகும்போது இறுக்கமாக இருப்பதை காட்டிலும் தொளதொளவென இருக்கும் ஒன்றை நாம் தேர்வு செய்யலாம்.

எவற்றை நாம் கவனிக்க வேண்டும்?

• நம்முடைய பிள்ளைகளுக்கு உடை உடுத்தி விடும்போது, அவற்றை அவர்கள் வாயில் வைத்து கடிப்பதனால் எந்த பாதிப்புமில்லை என்பதை நாம் கட்டாயம் உறுதி செய்யவும்.

இந்த பதிவு உங்களுக்கு பிடித்திருந்தால் லைக் பண்ணுங்க, ஷேர் பண்ணுங்க, கமெண்ட் பண்ணுங்க.

மீண்டுமொரு பயனுள்ள பதிவில் உங்கள் அனைவரையும் சந்திக்கிறோம். நன்றி, வணக்கம்.