கர்ப்பமாக இருக்கும் போது வேலை செய்வது பாதுகாப்பா?

cover-image
கர்ப்பமாக இருக்கும் போது வேலை செய்வது பாதுகாப்பா?

கர்ப்பிணிகள் பணி புரியும்போது செய்ய வேண்டியவை மற்றும் செய்யக்கூடாதவை

இந்த பதிவில், ‘பணி புரியும் கர்ப்பிணி பெண்களுக்கு எந்த மாதிரியான பிரச்சனைகள் இப்போது இருக்கலாம்? வேலை செய்யும்போது தவிர்க்க வேண்டியவை எவை?’ போன்றவற்றை காணவிருக்கிறோம்.

கர்ப்பமாக இருக்கும்போது பணி புரிவதென்பது சற்று கடினமான காரியமே. இப்போது நாம் உடலளவிலும், மனதளவிலும் தயார்நிலையில் இருக்க வேண்டும். அதற்காக எந்த வேலையும் செய்யாமல் இருக்க வேண்டுமென்றும் அவசியம் கிடையாது என்கிறார்கள் மருத்துவர்கள். அப்படி இருந்தாலும், ஆரோக்கியமற்று நம்முடைய உடலானது சோர்ந்து விடவும் வாய்ப்புள்ளது. இன்றைய ஐடி துறையில் இருக்கும் பல பெண்கள் கர்ப்பமாக இருக்கும்போதும் பணி புரிந்துக்கொண்டு தான் இருக்கிறார்கள். அவர்கள் தங்களது உடல்நிலை குறித்து மருத்துவர்களிடம் ஆலோசனை பெற்ற வண்ணமும் இருப்பார்கள். இப்போது பணி புரியும் கர்ப்பிணிகள் எவற்றை எல்லாம் கருத்தில் கொள்ள வேண்டுமென்பதை நாம் பார்ப்போம் வாருங்கள்.

எந்த மாதிரியான பிரச்சனைகள் இப்போது நமக்கு இருக்கலாம்?

கர்ப்பமாக இருக்கும்போது வரக்கூடிய காலை சுகவீனமான வாந்தி, குமட்டல், மயக்கம் போன்றவை பொதுவான பிரச்சனை தான். ஆனாலும், பணிபுரியும் பெண்கள் இது குறித்து கூடுதல் கவனத்தோடு இருக்க வேண்டும்.

குமட்டல் குறித்த கவனம்:

பணிபுரியும் பெண்களுக்கு எடுக்கும் பசி பற்றி சொல்லவே வேண்டியதில்லை. அவர்கள் கூடுதல் வேலைப்பளுவுடன் இருந்து வந்துள்ளதால் இப்போதும் பசி எடுக்கும். அதனால் அவசர அவசரமாக அவனில் வைத்து சூடு செய்து சாப்பிடக்கூடாது. இது நிச்சயம் கூடுதல் குமட்டலை வரவைக்கும்.

அடிக்கடி ஸ்நாக்ஸ்:

குமட்டல் இருக்கும்போது ஆரோக்கியமான தானிய பிஸ்கட் போன்றவற்றை நாம் இப்போது எடுத்துக்கொள்ளலாம். இஞ்சி டீ நாம் குடிக்கலாம். அதற்காக அளவுக்கதிகமாகவும் எடுத்துக்கொள்ள வேண்டாம்.

உடல் சோர்வை கையாளுதல்:

கர்ப்பமாக இருக்கும்போது கருவில் பிள்ளைகள் வளர்வதாலும், ஹார்மோன் மாற்றங்களினாலும் பலவித மாறுதல்கள் காணப்படும். அவற்றில் ஒன்று தான் உடல் சோர்வு. இதன் காரணமாக காலை வேளையில் கூட பணி புரிவது நமக்கு கடினமாக இருக்கும்.

  • இரும்புச்சத்து மற்றும் புரதச்சத்து நிறைந்த உணவு: இரும்புச்சத்து குறைப்பாட்டால் நமக்கு இரத்தசோகை வருகிறது. ஆனால், உணவு பழக்க வழக்க முறை மூலமாக நம்மால் இதனை சரிசெய்துவிட முடியும். மெர்குரி இல்லாத கடல் உணவுகள், கீரை வகைகள், இரும்புச்சத்து செறிவூட்டப்பட்ட முழு தானியம், பீன்ஸ் போன்றவை பணிபுரியும் பெண்களின் ஆற்றலை தக்கவைத்து கொள்ள உதவுகிறது.
  • அடிக்கடி ஓய்வு எடுத்தல்: எழுந்து நடப்பது என ஒரே இடத்தில் அமர்ந்திருக்காமல் இருக்கவும். லைட்டை நிறுத்திவிட்டு, கண்களை மூடிக்கொண்டு கால்களை லேசாக தூக்கி வைத்துக்கொண்டு ஓய்வில் இருப்பது நல்லது.
  • நீர் ஆகாரம் குடித்தல்: பணி புரியும் பெண்கள் தண்ணீரை அடிக்கடி குடித்த வண்ணம் இருக்கவும்.
  • உடற்பயிற்சி செய்தல்: பணி புரியும் பெண்கள் மருத்துவரிடம் ஆலோசனை பெற்று தேவையான உடற்பயிற்சிகளையும் இப்போது செய்யலாம். ஆனாலும், அதற்கென ஒரு நேரத்தை ஒதுக்கி வேலை பற்றி யோசிக்காமல் இதனை செய்ய வேண்டும்.
  • மனஅழுத்தம் இன்றி இருத்தல்: வேலை செய்யும் பெண்கள் முற்றிலும் மன அழுத்தம் இன்றி இருப்பர் என்று சொல்லிவிட முடியாது. ஆனால், எதனையும் மனதில் நினைத்தபடி இருக்காமல், நம்முடைய பிள்ளைகளை பார்க்கவிருக்கிறோம் என்ற மகிழ்ச்சியில் இருப்பது நல்லது.
  • தூங்க செல்லுதல்: தினமும் இரவில் கண்டிப்பாக எட்டு மணி நேரமாவது நாம் தூங்க வேண்டும். எவ்வளவு வேலை இருந்தாலும், நிம்மதியாக தூங்குவதை உறுதி செய்ய வேண்டியது அவசியம். இடதுப்பக்கமாக படுத்து தூங்கும்போது நம்முடைய பிள்ளைகளுக்கு இரத்த ஓட்டமானது சரியாக செல்லும். அதோடு, உடல் வீக்கமும் குறைய வாய்ப்புள்ளது.

வேலை செய்யும்போது தவிர்க்க வேண்டியவை எவை?

  • தீங்குவிளைவிக்கும் பொருட்கள் அருகில் நிற்பதை தவிர்க்கவும்.
  • ஒரே இடத்தில் வெகுநேரம் நிற்பதை தவிர்க்கவும்.
  • எடையை தூக்குதல், ஏறுதல் போன்ற செயல்பாடுகளை தவிர்க்கவும்.
  • அதிக சத்தம் வரும் இடங்களில் நிற்பதை தவிர்க்கவும்.
  • அதிக வெப்பநிலை உள்ள இடங்களின் அருகில் நிற்பதை தவிர்க்கவும்.
  • அதிக அதிர்வுகளை ஏற்படுத்தும் இடங்களின் அருகில் நிற்பதை தவிர்க்கவும்.

 

இந்த பதிவு உங்களுக்கு பிடித்திருந்தால் லைக் பண்ணுங்க, ஷேர் பண்ணுங்க, கமெண்ட் பண்ணுங்க.

மீண்டுமொரு பயனுள்ள பதிவில் உங்கள் அனைவரையும் சந்திக்கிறோம். நன்றி, வணக்கம்.

#tamilbabychakra #bbctamil #3rdtrimesterofpregnancy #1sttrimester #2ndtrimester #backtowork
logo

Select Language

down - arrow
Personalizing BabyChakra just for you!
This may take a moment!