ಪ್ರಸವದ ನಂತರ ತಪಾಸಣೆ

ಪ್ರತಿ ಮಹಿಳೆಯೂ ಪ್ರಸವದ ನಂತರ ವಿಶೇಷವಾಗಿ ತಮ್ಮ ಆರೋಗ್ಯದ ಬಗ್ಗೆ ಹೆಚ್ಚಿನ ಗಮನ ವಹಿಸಬೇಕಾಗುತ್ತದೆ. ಪ್ರಸವದ ನಂತರದ ದಿನಗಳು ದೇಹವು ತಮ್ಮ ಪೂರ್ವಸ್ಥಿತಿಗೆ ತಲುಪುವುದಕ್ಕೆ ಅಣಿಯಾಗುತ್ತದೆ. ಅದರಲ್ಲಿ ಮುಖ್ಯವಾಗಿ ಗರ್ಭಾಶಯದ ಕುಗ್ಗುವಿಕೆ ಇಂದ ಗಿಡಿದು ಹಾರ್ಮೋನಿನ ಏರುಪೇರು ಸರಿಯಾಗುತ್ತಿರುತ್ತದೆ. ಈ ಹಂತದಲ್ಲಿ ಬಾಣಂತಿಯರ ಆರೈಕೆ ಜೊತೆಗೆ ವೈದ್ಯಕೀಯ ತಪಾಸಣೆ ಕೂಡ ಅಗತ್ಯ. ಪ್ರಸವದ ನಂತರ ಎದುರಾಗುವ ಹಲವಾರು ತೊಂದರೆಗಳಿಗೆ ಸೂಕ್ತ ರೀತಿಯ ಚಿಕಿತ್ಸೆಯ ಅಗತ್ಯವಿದೆ.

ಪ್ರಸವದ ನಂತರ ಎದುರಾಗುವ ಸಮಸ್ಯೆಗಳು

ಪ್ರಸವದ ನಂತರ ಸಾಮಾನ್ಯ ಆರೋಗ್ಯವಂತ ಮಹಿಳೆಯರಿಗೆ 21 ದಿನಗಳವರೆಗೆ ರಕ್ತಸ್ರಾವ ಇರುತ್ತದೆ. ಅದಕ್ಕೂ ಮೀರಿ ವಿಪರೀತವಾದ ರಕ್ತಸ್ರಾವ ಆಗುತ್ತಿದ್ದರೆ, ಅಂದರೆ ಒಂದು ದಿನಕ್ಕೆ ನಾಲ್ಕರಿಂದ ಐದು ಪ್ಯಾಡ್ಗಳು ಬದಲಾಯಿಸಿದರೆ ಅದನ್ನು ವಿಪರೀತ ರಕ್ತಸ್ರಾವ ಎಂದು ಹೇಳಲಾಗುವುದು. ತಕ್ಷಣ ನೀವು ವೈದ್ಯರನ್ನು ಸಂಪರ್ಕಿಸಬೇಕು.
ಕೆಲವರಿಗೆ ಉಸಿರುಗಟ್ಟಿದ ಅನುಭವ, ಉಸಿರಾಟದಲ್ಲಿ ತೊಂದರೆಯಾಗುವುದು, ವಿಪರೀತ ತಲೆನೋವು, ಹೊಟ್ಟೆ ಹಿಡಿದುಕೊಂಡ ಅನುಭವ, ಜ್ವರ, ರಕ್ತ ಮಿಶ್ರಿತ ಬೇಧಿ, ಚಳಿ ಮಿಶ್ರಿತ ಜ್ವರ ಇವುಗಳು ಕಾಣಿಸಿಕೊಳ್ಳುತ್ತವೆ. ಇಂಥ ಸಂದರ್ಭದಲ್ಲಿ ವೈದ್ಯರನ್ನು ತಕ್ಷಣ ಭೇಟಿ ಮಾಡಬೇಕಾಗುತ್ತದೆ. ಅದೇ ರೀತಿ ಮಗುವಿನಲ್ಲಿ ಜ್ವರ, ವಾಂತಿ-ಬೇಧ, ಕಾಮಲೆ ಇವೇ ಮುಂತಾದ ಸಮಸ್ಯೆಗಳಿಗೆ ಮಗುವಿನ ತಪಾಸಣೆ ಮಾಡಲೇಬೇಕಾಗುತ್ತದೆ.

ಯಾವ ಸಂದರ್ಭದಲ್ಲಿ ಚಿಕಿತ್ಸೆ ಪಡೆಯಬೇಕು

ಪ್ರಸವದ ನಂತರ ಹೊಟ್ಟೆ ನೋವು ,ಕಿಬ್ಬೊಟ್ಟೆ ಸೆಳೆತ, ಬೆನ್ನು ನೋವು, ಸಿ-ಸೆಕ್ಷನ್ ಆಗಿದ್ದರೆ ಹೊಲಿಗೆ ಹಾಕಲಾದ ಸ್ಥಳದಲ್ಲಿ ಸೆಳೆತ, ರಕ್ತಸ್ರಾವ, ನೋವು ನಿಮ್ಮ ಗಮನಕ್ಕೆ ಬಂದ ತಕ್ಷಣ ವೈದ್ಯರನ್ನು ಭೇಟಿಯಾಗಬೇಕು.

• ಉರಿಮೂತ್ರ. ಮೂತ್ರ ವಿಸರ್ಜನೆ ಮಾಡುವಾಗ ತುಂಬಾ ಕಷ್ಟಕರ ವಾಗಿರುವುದು
• ಎದೆ ನೋವು ಉಸಿರಾಟದ ತೊಂದರೆ
• ರಕ್ತ ಹೆಪ್ಪುಗಟ್ಟಿ ದಂತೆ ಸ್ರಾವವಾಗುವುದು
• ವಿಪರೀತ ಎದೆ ನೋವು, ತಲೆನೋವು
• ಕಣ್ಣು ಮಂಜಾಗುವುದು
• ವಿಪರೀತ ಚಳಿ ಮತ್ತು ನಡುಕ
• ಸೆಕೆ ಮತ್ತು ದೇಹ ಬೆವರುವುದು
• ವಿಪರೀತ ಭಯ
• ಖಿನ್ನತೆ
• ಬೇರೆ ಯಾವುದೇ ರೋಗ ಲಕ್ಷಣಗಳು ಕಂಡುಬಂದಾಗ.

ಇವಿಷ್ಟು ಅಲ್ಲದೇ ಪ್ರಸವವಾದ ಮಹಿಳೆ ಮತ್ತು ಮನೆಯವರು ಗಮನದಲ್ಲಿ ಇಡಬೇಕಾದ ಮುಖ್ಯ ಅಂಶ ಈ ಕೆಳಗಿನಂತಿದೆ.

ತಾಯಿ ಮತ್ತು ಮಗುವಿನ ತಪಾಸಣೆಯ ಅಗತ್ಯತೆ

ಪ್ರಸವದ ನಂತರ ಯಾವುದೇ ವಿಷಯಕ್ಕೂ ಹೆಚ್ಚಿನ ನಿರ್ಲಕ್ಶ್ಯ ಪಡಬಾರದು. ನಿರ್ಲಕ್ಷ್ಯ ಅತೀ ದೊಡ್ಡ ಸಮಸ್ಯೆಯನ್ನು ಎದುರುಗೊಳ್ಳುವಂತೆ ಮಾಡುತ್ತದೆ. ಪ್ರಸವದ ನಂತರದ ವೈದ್ಯರನ್ನು ಯಾವಾಗ ಭೇಟಿಯಾಗಬೇಕೆಂಬ ಬಗೆಗಿನ ಮಾಹಿತಿ ನಿಮಗೆ ಇಷ್ಟವಾಗಿದ್ದರೆ ಖಂಡಿತವಾಗಿ ಲೈಕ್ ಮಾಡಿ, ಶೇರ್ ಮಾಡಿ , ಕಾಮೆಂಟ್ ಮಾಡಿ. ನಿಮ್ಮಾ ಪ್ರತಿಕ್ರಿಯೆ ಅಮೂಲ್ಯವಾದುದು.

#momhealth #postpartumcare #momnutrition